METRO MANILA, Philippines – Dismayado si Pangulong Rodrigo Duterte sa mga nakita nito nang magsagawa ng inspeksyon sa Ninoy Aquino International Airport o NAIA terminal 2 kahapon ng madaling araw dahil sa maraming pasahero ang naapektuhan ng mga naantala at diverted flights bunsod ng red lightning alert na inilabas ng NAIA noong weekend.
Ayon kay Presidential Spokesperson Salvador Panelo, isa ito sa mga napag-usapan sa cabinet meeting kagabi at nagpahiwatig din ang Punong Ehekutibo na posibleng magkaroon ng revamp sa mga opisyal ng paliparan. Gayunman, walang detalyeng ibinigay ang Pangulo hinggil dito.
“Parang he just hinted about a revamp, parang in passing lang sinabi, wala siyang masyadong maraming explanation,”ani ni Presidential Spokesperson Sec. Salvador Panelo.
Bukod dito, nais din ng Pangulo na magkaroon lamang ng iisang entity, mapa-militar o civilian force na mamamahala sa seguridad sa NAIA at plano din umano nitong ilipat ang ilang general aviation o domestic flights sa Sangley Airbase sa Cavite para maibsan ang congestion sa NAIA.
Nagbigay din ng direktiba ang Pangulo kay Transportation Secretary Arthur Tugade na agad nang umpisahan ang operasyon sa Sangley Airbase, na target namang maisagawa sa Nobyembre.
“Ang target date niya is December, ang sabi naman ni President, masyadong matagal yan, November na lang. He is in a hurry, he wants to fix all these things, he wants to have solution to the traffic in EDSA, nagmamadali siya. Knowing Secretary Art.” ayon kay Presidential Spokesperson Sec. Salvador Panelo.
(Rosalie Coz | UNTV News)
Tags: NAIA, Pres. Rodrigo Duterte
METRO MANILA – Inaasahan ng Department of Transportation (DOTr) na sa darating na Miyerkules, March 27, posibleng umabot sa 150,000 ang bilang ng mga daragsang mga pasahero sa Ninoy Aquino International Airport (NAIA).
Mas mataas ito kumpara sa daily average na kadalasang umaabot ng 135 hanggang 140,000 lamang.
Umaasa si DOTr Sec. Jaime Bautista na agad na maipatutupad ng winning bidder para sa NAIA rehabilitation ang ilang infrastructure projects gaya ng bagong kalsada para maibsan ang mabigat na daloy ng trapiko lalo na tuwing peak season.
METRO MANILA – Inihain ni OFW Party-list Representative Marissa Del Mar Magsino ang House Resolution Number 1615 upang imbestigahan ng komite sa kamara ang mga isyung kinakaharap ng Ninoy Aquino International Airport (NAIA).
Partikular na ang ulat ng mga peste at mabigat na daloy ng trapiko sa complex at mga kalapit-lugar ng paliparan.
Gayundin ang mahabang pila ng mga pasahero sa immigration checking counters.
Ayon sa mambabatas, nakaapekto na ito sa kalusugan at kaalwanan ng mga bumibiyaheng pasahero.
Binibigyang-diin sa resolusyon ang mga nakakababahalang isyu sa NAIA na nakaapekto sa reputasyon ng bansa.
Tags: NAIA
METRO MANILA – Patuloy na tumataas ang bilang ng mga pasaherong dumarating sa bansa ngayong Disyembre.
Sa datos ng Bureau of Immigration (BI) mula sa 50,000 arrivals sa unang Linggo ng buwan ay umaabot na ito sa halos 60,000 noong weekend.
85% ng arrivals ay dumaan sa Ninoy Aquino International Airport (NAIA).
Nasa mahigit 31,000 din ang departures noong December 23.
Hinimok naman ng Bureau of Immigration ang mga Pilipino na gamitin ang e-gates para sa mas mabilis ang clearance at mag-pregister sa e-travel portal 3 araw bago ang nakatakdang pag-alis o pagdating sa bansa.
