Maaari na muling magsagawa ng off-campus activities ang mga private at public higher education institutions matapos bawiin ng Commission on Higher Education ang pag-ban nito.
Bumuo ng panibagong polisiya ang CHED sa pamamagitan ng Memorandum Order no.63 para sa mga field trip o anumang activity sa labas ng campus. Bukod sa field trips, sakop na rin nito ang iba pang activities sa labas ng campus.
Isa sa nakapaloob sa bagong polisiya ang pagtatalaga ng personnel-in-charge para sa lahat ng activities, pagsasagawa ng registration, pagtiyak sa insurance, franchise at roadworthiness ng mga sasakyang gagamitin sa tranportasyon ng mga mag-aaral.
Dapat ding makipag-ugnayan ang management ng heis sa mga local government units hinggil sa pupuntahang lugar. Kinakailangang magsumite ang mga estudyante ng written consent mula sa kanilang magulang, medical clearance at magbigay ng alternative na activities para sa mga hindi makakapunta sa activity.
February 2017 nang ipatupad nang CHED ang 5-month moratorium sa off-campus activities dahil sa nangyaring trahedya sa field trip ng mga mag-aaral ng Bestlink College of the Philippines kung saan 15 ang nasawi at 40 ang nasugatan.
(Mirasol Abogadil / UNTV Correspondent)
Tags: ban, CHED, college field trips
METRO MANILA – Posibleng magresulta sa pagtigil sa pag-aaral o paglipat sa pribadong paaralan ang ginawang pagpapatigil ng Senior High School Program sa State Universities and Colleges (SUCs) at Local Universities and Colleges (LUCs) ayon sa isang Makabayan Bloc lawmaker.
Ayon kay Act Teachers’ Party-list Representative France Castro, dapat nagsagawa muna ng konsultasyon sa stakeholders ang Commission on Higher Education (CHED) at Department of Education (DepEd) bago itinigil ang Senior High School Program sa SUC’s at LUC’s.
Ito ay lalo na’t mawawalan ng ayuda ang libo-libong estudyante at makikipagsiksikan sila sa mga public school.
May mga guro ring maaaring maapektuhan ang load ng kanilang trabaho.
Ayon naman kay Gabriela Women’s Party-list Representative Arlene Brosas, mapipilitan ang mga estudyanteng pumasok sa mga pribadong paaralan na mas mahal ang matrikula o kaya naman ay tumigil sa pag-aaral kung kulang na kulang ang mga pasilidad sa public schools.
Naniniwala naman si Bohol 3rd District Representative Kristine Alexie Besas tutor, miyembro ng House Committee on Higher and Technical Education, ang subsidy funding lang para sa senior High School program sa SUC’s at LUC’s ang nahinto.
Kung may pagkukunan silang pondo sa ibang sources, maaring ipagpatuloy nila ang programa.
Samantala, may mga nanghihinayang naman na benepisyaryo ng senior high school voucher program ng Department of Education para sa mga kapwa nila 11th grader na apektado ng hakbang.
Anila, malaking tulong ang ayuda ng pamahalaan upang makapagpatuloy sila sa pag-aaral.
METRO MANILA – Inatasan ni Pangulong Ferdinand Marcos Jr. ang Commission on Higher Education (CHED) na agad na tugunan ang kakulangan ng mga nurses sa bansa dahil sa migration.
Ginawa ng pangulo ang pahayag sa pulong kasama ang mga opisyal ng Private Sector Advisory Council Healthcare Sector Group.
Bilang tugon, sinabi ni CHED Chairperson Prospero De Vera III na may ginagawa na silang hakbang para maparami ang mga nurse sa bansa.
Kabilang na ang retooling ng mga non board passers, pag-adopt ng nursing curriculum na may exit credentials at pagsasagawa ng exchange programs sa ibang bansa.
inaayos na rin aniya ng CHED ang flexible short-term masteral program para matugunan ang kakulangan ng mga instructors sa nursing and medical schools.
Sinabi naman ni Department of Health Officer-In-Charge Undersecretary Rosario Vergeire na pinag-aaralan na nila ang panukalang Magna Carta for Public Health Care Workers at Philippine Nursing Act.
METRO MANILA – Napapanahon na para sa Commission on Higher Education (CHED) na pag-aralan kung talagang naging epektibo ang pagpapatupad ng K to 12 program sa sistema ng edukasyon sa bansa.
Ayon kay CHED Chairman Prospero De Vera, makakatutulong ang pag-review sa implementasyon ng K-12 porogram upang magkaroon ng mas epektibong curriculum ang mga unibersidad at kolehiyo.
Ito’y upang mas maihanda ang mga estudyante sa kanilang pagpasok sa higher education at masubok na rin ang kanilang kakakayahan sa trabaho na maaari nilang pasukan.
Sang ayon naman dito si Teacher’s Dignity Coalition (TDC) National Chairperson Benjo Basas.
Ayon sa kaniya, hindi nakamit ng K to 12 program ang talagang layunin nito dahil marami sa mga mag-aaral ang kulang pa rin sa kasanayan sa pagta-trabaho kahit dumaan pa ang mga ito sa senior high school level.
Ayon naman sa ACT Teachers partylist, sa pagpapatupad ng K-12 nagkaroon ng ilang aberya sa learning materials, kakulangan sa pasilidad at suporta para sa mga guro at mga non-teaching personel kaya’t naapektuhan din ang kalidad ng edukasyon na natatanggap ng mga estudyante.
Nanawagan ang grupo na tingnang mabuti ang nasabing mga isyu upang masigurong magiging epektibo ang K-12 program.
Samantala, sa isang panayam sinabi ni Senator Win Gatchalian na karamihan sa mga graduate ng senior high school ang hindi natatanggap sa trabaho na isa aniya sa mga layunin ng nasabing programa.
Dahil dito kailangan aniyang reviewhin ang curriculum na itinuturo sa senior high school.
Nauna nang ipinahayag ni Vice President-Elect Sara Duterte na kasama ang pagreview sa K-12 program sa mga mandatong ibinigay sa kanya ni President-Elect Bongbong Marcos sa oras na opisyal na siyang manungkulan bilang kalihim ng Department of Education (DepEd).
(Aileen Cerrudo | UNTV News)
