METRO MANILA – Nagbabala ang Commission on Human Rights matapos na maglabas ng direktiba ang Department of the Interior and Local Government (DILG) sa mga barangay na magsumite ng listahan ng mga hindi pa bakunadong residente kontra COVID-19.
Nagpaalaala ang komisyon sa gobyerno na dapat ang paggalang sa karapatang pantao ang pangunahing konsiderasyon sa pagbuo ng mga polisiya upang tugunan ang pandemiya.
Sa isang pahayag, iginiit ni Commission on Human Rights Spokesperson Atty. Jacqueline Ann de Guia na hindi dapat magresulta sa paglabag sa karapatan sa privacy ng mga indibidwal ang hinihinging listahan ng unvaccinated residents.
Dapat ding hindi ito makapagil sa pag-access ng pangunahing pangangailangan at serbisyo ng mga hindi pa bakunado.
Ayon pa sa tagapagsalita ng komisyon, hindi dapat maging dahilan ang pandemiya upang maisantabi ang mga batas at human rights standards na nagbibigay-proteksyon sa karapatang-pantao at dignidad sa lahat ng sitwasyon.
Nanindigan naman ang DILG na walang paglabag sa privacy dahil ang pagkuha ng datos ng unvaccinated ay para sa legitimate purpose at kinakailangan ang datos upang maipatupad ng maayos ang quarantine protocols.
Mismong si Pangulong Rodrigo Duterte ang nagbigay ng direktiba na dapat limitahan ang paggalaw ng mga di pa bakunado sa gitna ng pagsipa ng COVID-19 cases sa bansa.
Kasunod nito ay nagkasundo ang Metro Manila Council na rendahan ang galaw ng mga unvaccinated at halos lahat ng lokal na pamahalaan, naglabas ng ordinansa kaugnay nito.
Gayunman, pinapayagan namang lumabas ang mga di pa bakunado kung bibili ng essential goods.
(Rosalie Coz | UNTV News)
Tags: CHR, DILG, Unvaccinated
METRO MANILA – Hinikayat ng DILG ang mga Local Governments Units (LGUs) na i-update ang kanilang disaster action plans at hazard maps para sa pagpasok ng La Niña phenomenon.
Ayon kay DILG Undersecretary Marlo Iringan, kinakailangan na regular na magdaos ng pagpupulong ang mga lokal na opisyal at magsagawa ng la nina pre-disaster risk assessment.
Nanawagan din ito ng agresibong paglilinis ng Estero at daluyan ng tubig upang maiwasan ang mga pagbaha bilang bahagi ng mitigation measures sa ilalim ng operation listo ng ahensya.
Kinakailangan din na masuri ang integridad at kapasidad ng mga evacuation center at huling opsyon na lamang ang paggamit ng paaralan.
Nauna ng inatasan ni Pangulong Ferdinand Marcos Jr. ang mga LGU na maghanda sa paparating na La niña sa kabila pa rin ito ng nararanasang El niño ng bansa.
METRO MANILA – Binuo ni Pangulong Ferdinand Marcos Junior ang isang special committee na tututok sa pagtatanggol at pagpapalakas sa karapatang pantao sa bansa.
Batay sa Administrative Order (AO) Number 22 na nilagdaan ni Executive Secretary Lucas Bersamin nitong May 8, nakasaad na pamumunuan ang komite ng nabanggit na opisyal at ni Justice Secretary Crispin Remulla bilang Co-Chair nito.
Magiging katuwang nila ang mga kalihim ng Department of Foreign Affairs (DFA) at ng Department of the Interior and Local Government (DILG).
Isa sa pangunahing tungkulin ng komite ang mag-imbestiga, kumuha ng datos hinggil sa mga hnihinalang human rights violations ng law enforcement agencies at makipagtulungan sa private sectors.
METRO MANILA – Nagbigay na ng direktiba si Pangulong Ferdinand Marcos Junior sa Department of the Interior and Local Government (DILG) at mga law enforcement agency na palakasin ang kampanya laban sa mga umaabuso sa mga kabataan.
Ikinabahala kasi ng pangulo ang online sexual abuse o exploitation of children at child sexual abuse o exploitation materials sa bansa, partikular na sa Cagayan De Oro, Iligan at sa Taguig City.
Tiniyak naman ng Philippine National Police na gagawin ang lahat ng paraan para matukoy ang mga nagpapatakbo ng ilegal na gawain na ito kahit na may hamon sa paggamit ng teknolohiya.
Tags: Child Online Abuse, DILG, PBBM
