METRO MANILA – Madodoble ang lahat ng benepisyo ng mga miyembro ng Pag-IBIG Fund sa ilalim ng bagong monthly contribution rate na ipapataw simula sa susunod na buwan.

Sa ilalim ng bagong monthly contribution, ang buwanang ipon ng miyembro ng Pag-IBIG Fund para sa share ng empleyado at ang katapat ng employer ay tataas mula P100 hanggang P200 bawat isa.

Ayon kay Pag-IBIG Fund Deputy Chief Executive Officer Alexander Hilario “Alex” Aguilar, ang maturity benefit ng mga miyembro na naipon sa loob ng 20 taon ay madodoble, mula sa P87,000 ay magiging P174,000.

Dagdag pa ng opisyal, magkakaroon din ng karagdagang P38-B na magpapalakas sa kapasidad ng ahensya na mag-alok ng multipurpose at housing loan sa mga miyembro nito.

Tags: Pag-IBIG Fund