Mahigit 100 lang sa mahigit 400 mga hotel sa Boracay Island ang pinahintulang tumanggap ng booking kaalinsabay ng muling pagbubukas ng isla para sa mga turista matapos sumailalim sa anim na buwang rehabilitasyon ang pamosong isla.
Nagbigay ng accreditation ang pamahalaan sa 157 hotels at inns na nakakuha ng permit matapos mapatunayang sumunod sa environmental laws kaugnay ng construction at sewage systems.
Kahapon, nagkalat pa sa seaside roads ang mga semento at panghukay at kita rin ang ilang gusaling bahagya nang giniba.
Kinakailangan namang i-demolish ng mga hotel ang kanilang sariling mga istruktura na nasa loob ng 30 metro ang layo mula sa pampang o kung hindi ay nanganganib nang maipasara ng tuluyan.
Nagreklamo naman ang ibang may-ari ng hotel hinggil sa waiver na pinapipirmahan umano sa kanila bago ang opening.
Tulad ni Elma na kakabukas lang ng hotel noong Marso, isang buwan bago ipag-utos ni Pangulong Rodrigo Duterte ang closure sa Boracay Island.
Hawak na raw niya ang lahat ng kinakailangang permit para sa reopening. Subalit kung hindi siya pipirma sa waiver, posibleng gibain ang kanyang ari-arian sa hinahanarap dahil malapit sa kalsada.
Iginiit naman ng Department of Environment and Natural Resources (DENR) na pagmamay-ari talaga ng pamahalaan ang Boracay at ang waiver ay hindi nangangahulugan ng land grabbing.
( Rosalie Coz / UNTV Correspondent )
METRO MANILA – Bumaba ang bilang ng mga turistang bumisita sa isla ng Boracay nitong buwan ng Abril ngayong taon.
Batay sa ulat ng malay tourism office, umabot sa 182,647 ang tourist arrival sa isla mula April 1 to 30, 2024.
Mas mababa ito ng 14.5% sa kaparehong buwan noong taong 2023 na umabot sa 213,736 tourists ang bilang.
Bumaba din ang domestic tourists na mula 171,897 ay naging 145,455 na lamang ngayong taon.
Isa sa mga nakikitang dahilan dito ay ang abalang maidudulot sa mga turista pagpasok sa isla.
Pagdating pa lamang sa jetty port ay kailangan nang pumila sa 3 counter para makakuha ng ticket papasok sa isla.
Mahaba rin ang pila lalo na kapag peak season lalot maliit lamang ang caticlan jetty port.
Malaking fee rin ang babayaran ng mga turista sa pantalan pa lamang tulad ng P300 na environmental fee, arrival port fee, departure fee, pamasahe sa bangka at snorkeling fee.
Tags: Boracay, Tourist Arrival
METRO MANILA – Nagbabala ang Department of Environment and Natural Resources (DENR) na posibleng magkaroon ng kakulangan sa supply ng tubig kung hahaba ang epekto ng El Niño sa bansa.
Ayon sa Water Resources Management Office ngayon palang ay kailangan nang magtipid ng tubig kung ayaw matulad sa water crisis noong 2019.
Paliwanag ni DENR Undersecretary Carlos Primo David, sa Hunyo ay posibleng bumaba sa 180 meters ang lebel ng tubig sa Angat dam na siyang minimum operating level nito.
Sa ngayon ay mahigit pa sa 213 meters ang imbak nitong tubig na mas mataas na sa normal high water level.
May mga bagong treatment plant anila na itinayo sa Laguna lake na inaasahang malaki ang maitutulong kapag bumaba ang lebel ng angat dam.
Kumpyansa ang Maynilad at Manila Water na hindi magkakaroon ng krisis sa tubig sa susunod na taon.
Inaasahan din anila na sa kalagitnaan ng taon ay magkakaroon narin ng mga pag-ulan.
METRO MANILA – Nagpahayag ng pagsang-ayon at pagsuporta ang Climate Change Commission (CCC) hinggil sa paggamit ng Waste-To-Energy (WTE) Technologies na pawang “pro-environment activities and investments” na maaaring tumugon sa problema ng bansa patungkol sa klima.
Binigyang-diin ni CCC Commissioner Albert Dela Cruz ang halaga ng pagbibigay pansin sa environmental issues kaugnay ng malalang weather condition ng Pilipinas kung saan aabot sa mahigit 20 bagyo kada-taon ang tumatama.
Dagdag pa niya, ang bansa ay mayroong warm seas dahil malapit ito sa equator kung saan nabubuo ang bagyo.
Pinasinayaan naman nitong July 14 ang bio-methanation and thermolysis machine sa Pagsanjan, Laguna.
Naglalayon itong matugunan ang proper waste disposal. Kaugnay ang naturang aktibidad sa green transition ng landfill gamit ang WTE Technologies na siyang inendorso ng Department of Environment and Natural Resources (DENR).
Nitong Pebrero naman, nauna nang nagpasa ng Panukalang Btaas si Senate President Juan Miguel Zubiri na naglalayong magsagawa ng National Energy Policy and Regulatory Framework for Facilities gamit ang WTE Technologies na maaaring maging solusyon sa solid waste management problems.
(Joram Flores | La Verdad Correspondent)
Tags: Climate Change Commission, DENR
