Nasa 43 kandidato lamang ang nag-apply ng police security personnel o police detail sa Police Security and Protection Group ngayong election period.
Mas mababa ito kumpara sa mga private individual at government officials na humingi ng police escort.
Ayon kay PSPG Spokesperson Police Superintendent Rogelio Simon, sa 43 applicants nasa 24 pa lamang ang naaprubahan ng Commission on Elections kung saan 68 security detail ang nakatalaga sa mga ito.
Samantala, nasa 212 namang private individual at 77 na government officials ang nagsumite ng aplikasyon upang humingi ng proteksyon.
Kabuuan, umabot na sa 332 ang nag-apply na private individual, government officials at kandidato ngunit nasa 149 pa lamang ang naaaprubahan.
(Lea Ylagan / UNTV Correspondent)
Tags: Bilang ng kandidato, police escort, Police Security and Protection Group
Sa datos ng Police Security Protection Group (PSPG), isang daan at labing isang pulitiko ang may nakatalagang police escort. Siyam na pu’t walong pribadong indibidwal din ang may mga nakatalagang bantay na pulis.
Ayon kay PSPG Director Filmore Escobal, simula sa ika-13 ng Enero ang pagsisimula ng election period, i-rerecall o babawiin nila ang mahigit sa tatlong daang pulis na nakatalaga sa mga pulitiko at pribadong indibidwal. Karaniwan na itong ginagawa ng PNP kapag panahon na ng halalan. Ang mga marerecall na pulis ay gagamitin naman ng PNP sa pagbibigay seguridad sa 2019 midterm elections.
Ayon kay Escobal, kung nais ng mga ito na manatili ang kanilang police escort ay kailangan nilang humingi ng pahintulot sa Comelec. Dagdag pa ni Escobal, tanging ang mga otomatikong binibigyan ng police escort ang hindi tatanggalan ng bantay ngayong eleksyon.
Ang mga ito ay ang presidente, bise presidente, chief justice, senate president, Speaker of the House, Secretary of National Defense, Secretary of Interior and Local Government, Comelec chairman at commissioners, chief of staff of the Armed Forces of the Philippines, major service commanders, chief PNP at PNP senior officers.
Pagkatapos naman ng eleksyon sa ika-13 ng Mayo 2019 ay agad namang ibabalik sa kanila ang police escort ng mga ito.
Samantala, kinumpirma din ni Escobal na ibinalik na noong Sabado ang dalawang pulis escort ni Sen. Antonio Trillanes IV matapos na ipag-utos ni PNP Chief Oscar Albayalde.
( Lea Ylagan / UNTV Correspondent )
Tags: PNP, police escort, PSPG
Ire-recall simula sa July 1 ni incoming PNP Chief PCSupt. Ronald dela Rosa ang mga pulis na naka-talaga sa mga pribadong indibidwal na wala namang seryosong banta sa buhay.
Ito ay upang madagdagan ang mga pulis na nagpapatrolya at mabawasan ang mga suma-side line lang bilang bodyguards.
Ang mga pulis na tatanggalin bilang security detail ay dadalhin naman sa National Capital Region Police Office upang tumulong sa pagpa-patrolya.
Maghihigpit na rin sila sa attendance ng mga ito sa pamamagitan ng araw-araw na pagre-report sa Police Security Protection Group.
(Lea Ylagan/UNTV Radio)
Tags: police escort, recall
Nasa mahigit isang daan at animnapu na ang mga kandidato na nabigyan ng police escorts, halos tatlumpong araw bago ang eleksiyon.
Ayon kay Police Security and Protection Group Spokesperson P/Supt. Rogelio Simon, sa 332 na nag apply, 50% o 166 na dito ang naaprubahan.
Mas malaki ito kumpara sa 149 na naaprubahan noong isang buwan.
Kabilang sa 166 na naaprubahan ang 3 presidentiables, 3 vice presidentiables at mahigit sa 5 na senatoriables.
Sa nasabing bilang, naglaan aniya sila ng may 307 na police escorts o may maximum na dalawang police escorts kada kandidato.
Sinabi pa ni Simon na inaasahan pa nilang madadagdagan ang 166 dahil patuloy pa ang ginagawang assessment ng COMELEC sa mga aplikante.
Nagiging mabagal lamang aniya ang proseso dahil maraming requirements ang kailangan ng isang aplikante at abala rin ang COMELEC sa pag aapruba sa ibang aplikasyon kabilang na ang permit sa pagdadala ng baril.
Sinabi ni Simon na sa katunayan ay nasa 1800 na tauhan ang inilaan nila para magduty ngayong halalan kabilang na ang mga nakatalaga sa COMELEC hub.
(Lea Ylagan / UNTV Correspondent)
Tags: Mga kandidato, police escort
