MANILA, Philippines – Dumarami ang bilang ng mga pilipinong obese o sobrang mataba batay sa isang pag-aaral.
Batay sa ulat ng Food and Nutirion Research Institute ng Department Of Science and Techology (FNRI-DOST), 61.3 kilograms ang katamtamang timbang ng isang pinoy at 54.3 kilograms naman sa isang pinay.
Pero habang lumilipas ang panahon, parami nang parami ang mga pilipinong tumataba ayon din sa pag-aaral. Noong 2017, mahigit labing 8-milyong pilipino na ang obese at overweight at posible itong maragdagan taon-taon.
Hindi lingid sa kaalaman ng mga pilipino na ang itinuturing na staple food na kanin ay mataas sa sugar.
Paalala lagi ng Department of Health (DOH) sa publiko, huwag balewalain at kainin ang mga prutas at gulay na sagana sa Pilipinas.
Sa ganoong paraan din, ma-aagapan ang paglobo ng mga namamatay sa obesity sa buong mundo, 2.8 million taon-taon ayon sa World Health Organization (WHO).
Lumalabas na ilan sa mga pangunahing dahilan ng pagtaba ay ang lifestyle madalas nakaupo at kaunting kilo lang ang ginagawa.
Pangkaraniwan ito sa mga nagtatrabaho sa opisina at call centers. Ayon pa sa who, mas maraming adults na may partners ang mas madalas tumaba kaysa sa mga single.
Nguni’t kung tatanungin ang mga kababayan na may gulang na, sakit ang kanilang kinatatakutan. Samantala palagi umanong tandaan sa buhay na health is wealth, aanhin ang masasarap na pagkain at marangyang buhay kung ang kapalit ay sakit na nakamamatay.
(Aiko Miguel | Untv News)
Nasa 106,000 na mga nurses ang kinakailangan para sa mga pampubliko at pribadong medical facilities sa Pilipinas ayon sa Department of Health.
Bukod sa mga nurses kulang rin ang bansa ng mga doktor, pharmacist, medical technologist, radiologic technologist, dentist, occupational therapist, physical therapist at midwives.
Ayon kay DOH Officer-In-Charge Maria Rosario Vergeire, isa sa mga dahilan kung bakit may kakulangan sa healthcare workers sa bansa, ay dahil marami sa mga ito ang pinipiling mag-trabaho abroad.
Kaya naman nais aniya ng DOH, na manatili sa 7,500 ang yearly deployment cap sa mga nagtatrabaho sa sektor ng kalusugan. Panawagan ni Vergeire sa mga healthcare workers sa bansa, may mga plantilla positions na maari silang pasukan. Kinakailangan lamang aniya na makipag-ugnayan sa Human Resources Bureau upang maproseso ang kanilang aplikasyon.
Tags: Department of Health, Nurses
Na-discharged na ang ika-apat na kaso ng monkeypox sa bansa ayon sa Department of Health. Ito ay yaong 25 years old na walang travel history sa anomang bansa na may kaso ng monkeypox.
Ayon sa DOH, na-discharged ang pasyente sa ospital noong September 15, at kasalukuyang sumasailalim sa home quarantine habang hinintay na matanggal ang lahat ng mga scabs dulot ng impeksyon.
August 19 nang nag-positibo ito sa monkeypox matapos sumailalim sa RT-PCR test.
Lahat naman ng dalawampung (20) close contact nito ay asymptomatic.
Labing walo (18) ang tapos nang mag-quarantine, isa tapos na sa self-monitoring period, at isa ang sumasailalim pa sa quarantine.
Tags: Department of Health, Monkeypox
3 buwan matapos madiskubre ang Coronavirus Disease na nagumpisa sa Wuhan China, naging mabilis ang pagtaas ng kaso nito sa nasabing bansa. Ilang buwan ang lumipas kumalat na ito sa iba’t ibang mga bansa.
Sa ngayon umabot na sa mahigit 121,000 ang infected ng COVID-19 sa buong mundo. Habang mahigit 4,000 na ang nasawi.
Umabot na rin sa mahigit 100 mga bansa sa labas ng China ang nagkaroon na ng kumpirmadong kaso. Kabilang sa mga bansang may pinakamaraming kaso ng COVID-19 ay ang China, Italy, Iran, Korea, Spain, France, Germany at Amerika.
Dahil sa mga bilang ng kumpirmadong kaso sa iba’t ibang bansa itinuturing na ng World Health Organization na Pandemic ang outbreak ng Coronavirus Disease.
Ang pandemic ay ang pagkalat ng epidemya ng isang sakit sa malaking bahagi ng mundo tulad ng sa iba’t-ibang kontinente.
“And we’re deeply concerned both by the alarming levels of spread and severity and by the alarming levels of inaction. We have therefore made the assessment that COVID-19 can be characterized as a pandemic. Pandemic is not a word to use lightly or carelessly. It’s a word, that if misused, can cause unreasonable fear or unjustified acceptance that the fight is over, leading to unnecessary suffering and death.” ani WHO Director General Tedros Adhanom Ghebreyesus.
Kabilang sa mga sakit na idineklarang Pandemic mula 1918 hanggang 2016 ay ang; 1918 flu, Asian flu noong 1956 hanggang 1958 ito ang pinakamaraming kaso na naitala noon sa Sweden na nagresulta ng pagpapasara ng mga paaralan sa bansa. Hong kong flu H3N2 strain noong 1968 at ang HIV / AIDS noong 2005 hanggang 2012.
(Grace Casin | UNTV News)
