Posibleng makapasok ng Dallas Mavericks roster ang Filipino-American basketball player na si Bobby Ray Parks Jr. makaraang mapanood ni Mavs owner Mark Cuban ang unang laro nito sa NBA Summer League.
Bagaman hindi umiskor si Parks sa debut game nito, naniniwala naman si Cuban na may tsansang makapasok sa lineup ng Dallas ang dating two-time UAAP MVP ng National University.
Pero ayon sa Mavs owner, kailangan munang mag-improve ni Parks sa kanyang paglalaro para ipakitang karapat-dapat ito na maglaro sa numero unong ligo ng basketball sa mundo.
“He’s got to improve, there’s no question about it,” pahayag ni Cuban; “But he’s here, and showed he belongs and he’s got a chance.”
Nitong nakaraang 2015 NBA Rookie Draft, nabigong matawag ang pangalan ni Parks ng alinmang team sa NBA pero naimbitahan ito ng Mavericks na maglaro sa kanilang Summer League squad.
Tags: Bobby Ray Parks Jr, Dallas Mavericks, Mark Cuban, NBA, UAAP
Narating ni Stephen Curry ang tuktok ng tagumpay na hindi pa naakyat ng mga NBA greats tulad nina Magic Johnson, Michael Jordan at Lebron James.
Tinanghal si Curry na first unanimous choice winner ng Most Valuable Player award ng National Basketball Association o NBA.
Isang araw matapos na makabalilk mula sa injury sa playoff action at magpamalas ng eksplosibong performance para sa Golden State Warriors, winalis ni Curry ang lahat ng 131 first-place votes upang makuha ang pinakamataas na individual honor sa ikalawang sunod na taon.
Kabilang na ngayon si Curry nina Johnson, Jordan at Steve Nash na nasa guard position na nakuha ang karangalan sa ikalawang sunod na pagkakataon sa kasaysayan ng liga.
Kilala bilang isa sa greatest three-point shooters, pinangunahan ni Curry ang NBA sa scoring sa average na 30.1 points at record na 402 three-point baskets upang pangunahan ang warriors sa unprecedented 73-9 mark.
May 50,4 percent from the field career high ang 28 years old na si Curry at may free throw percentage na 90.8 percent samantalang may average na 6.7 assists at career-high na 5.4 rebounds sa loob ng 79 na games.
Tags: first unanimous choice winner, Most Valuable Player award, NBA, Stephen Curry
Opisyal nang tinanghal bilang Most Valuable Player ng National Basketball Association si Steph Curry ng Golden State Warriors.
Si Curry ang ikalawang Warrior na nagwagi ng naturang award mula nang makuha ni Wilt Chamberlain ang MVP trophy noong 1959-1960 season.
Nagtamo si Curry ng kabuuang 1,198 points kabilang ang 100 sa 130 first place votes mula sa panel ng 129 sportswriters at broadcasters sa U.S. at Canada kasama na rito ang fan votes sa NBA.com.
Samantala, pumangalawa naman sa MVP voting si James Harden ng Houston Rockets, ikatlo si Lebron James, kasunod si Russel Westbrook ng OKC Thunder at si Anthony Davis ng New Orleans Pelicans.
Malaki ang naiambag ni Curry sa kampanya ng Golden State nang magtala ang koponan ng franchise record na 67 wins kung saan nag-average ito ng 23.8 points per game, 7.7 assists, 2.04 steals at 4.3 rebounds kada laro.
Si Curry din ang may hawak ngayon ng NBA record na pinakamaraming three-point field goals sa isang season na nasa 286 three-pointers. Siya rin ang may pinakamataas na free throw percentage ngayong season na nasa 91.4 percent.
Tags: Golden State Warriors, MVP, NBA, Stephen Curry
Tinanghal bilang NBA Rookie of the Year si Andrew Wiggins ng Minnesota Timberwolves.
Nakatanggap siya ng 110 out of 130 first place votes para sa total points na 604. Pumangalawa naman si Nikola Mirotic ng Chicago Bulls na nakatanggap ng 14 first place votes para sa total na 335 points habang pangatlo naman sa botohan ang rookie-center ng Philadelphia 76ers na si Nerlens Noel.
Si Wiggins ang kauna-unahang Timberwolves player na nagwagi ng naturang parangal. Siya ay may average na 16.9 points per game at 4.6 rebounds sa loob ng 82 laro.
Si Wiggins ang no.1 overall draft pick ng Cleveland Cavaliers pero bago pa man magumpisa ng season ay nai-trade ito sa Minnesota kapalit ni power forward Kevin Love.
Tags: Andrew Wiggins, Kevin Love, Minnesota Timberwolves, NBA
