Nasunog bahagi ng bodega ng metal scrap materials sa 7th Avenue Cor 8th Street, Barangay 105, Caloocan City pasado alas onse kagabi.
Agad namang naapula ang apoy dahil kahit na mga basura at kahoy ang apektado ng sunog ay mga bakal ang nakapalibot sa paligid ng nabanggit na bodega.
Ayon kay Allan Gokioco, Team Leader ng Caloocan East Fire Volunteer Brigade, nagmula ang apoy sa labas ng barracks ng mga empleyado ng royal metal scrap warehouse.
Sa inisyal report, nagsiga umano ng mga basura at kahoy ang isa sa mga empleyado roon na mabilis kumalat sa mga katabing materyales.
Tumagal ng halos kalahating oras ang pag apula ng mga bumbero sa sunog
(Reynante Ponte/UNTV NEWS)
Tags: metal scrap
