Muling magsasagawa ng bomb drill ang lokal na pamahalaan ng Davao City sa mga piling pampublikong pamilihan at bus terminal sa Biyernes, March 26.
Alinsunod ito sa culture of security campaign na “May Nakita? Dapat Magsalita!” kung saan hinihikayat ang mga Dabawenyo na maging mapagmatyag at makipagtulungan sa mga awtoridad sa pagsugpo sa terorismo.
Sa isang panayam, nabanggit ni Task Force Davao Commander Coronel Consolito Yecla na ang naturang pagsasanay ay naglalayon ding masubok ang kakayahan ng security cluster ng lungsod laban sa mga terorista.
“We remind everyone not to panic during the exercise, instead, focus on the environment and observe ano yung napansin nilang suspicious, makinig sa radio stations and media stations para mabilis ma-intercept ang perpetrators.” dagdag pa ni Task Force Davao Commander Coronel Consolito Yecla.
Samantala pinaalalahanan naman ang publiko na agad na ireport ang mga kahina-hinalang tao o aktibidad sa mga sumusunod na numero:
•TFD Smart: 0999 227 1111
•TFD Globe: 0917 131 4333
•DCPO Globe: 0916 659 2576
•911
(Rhuss Egano | La Verdad Correspondent)
Tags: Bomb Drill, Davao
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Maglulunsad ngayon buwan ng 3 bike lane sa National Capital Region, Metro Cebu at Metro Davao upang makabahagi sa pagtaguyod ng aktibong transportasyon sa ating bansa.
Nasa 497 kilometers na sementado at physical separators at road signages ang natapos ng ahensya kasama ng Department of Public Workers and Highways sa nasabing lungsod.
Sa NCR nasa 313 kilometro na sementado at physical separators at road signages na umaabot sa P801,830,479.93ang natapos ng DOTr at DPWH.
Sa Metro Cebu ay nasa 129 kilometro na nag sementado at physical separators at road na nagkakahalaga ng 15 Milyon, at sa Metro Davao ay nasa 55 kilometro nag sementado at physical separators at road signages na nagkakahalagang P145,369,391.
Sa kabuuhan ang 3 proyektong ito ay umabot sa P1.09 Bilyon sa ilalim ng Bayanihan Bike Lane Networks Project.
Ayon kay Sec Tugate ang paglalagay ng sementado at physical separators at road signages at nagpapakita kung gaano ang nakatuon ang DOTr sa pagtataguyod ng aktibong transportasyon at sa tiyak na kaligtasan ng mga naglalakad
“Ito ay upang matupad ang kagustuhan ng publiko, at ng mga sumasakay, ang Department of Transportation ay nagpapatupad ng mga proyekto ito na nakatuon patungo sa hangarin,” ani Secretary Art Tugade.
“Nilayon naming magbigay sa mga commuter ng mas mabilis, at maayus na paraan ng mass transport; at upang buksan ang imprastraktura para sa aktibong transportasyon tulad ng paglalakad at pagbibisiklet”, dagdag pa nya.
Sa ilalim ng Republic Act No. 1149 o ng Bayanihan to Recover as One Act, ang promosyon ng aktibong transportasyon at pinalakas ng pagdedeklara ng bisikleta bilang isang karagdagang paraan ng transportasyon at pagbibigay ng pondo upang suportahan ang pagbuo ng mga bike lane network.
Ang DOTr at ang Department of Public Works and Highways (DPWH), kasama ang Department of Health (DOH), Department of Interior and Local Government (DILG) ay pumirma kanina lamang sa Joint Administrative Order (JAO) 2020-001 na ilarawan ang mga tungkulin ng Local at national ns pamahalaan sa pagtataguyod ng Aktibong Transportasyon.
(Zy Cabiles | La Verdad Correspondent)
MANILA, Philippines – Kinumpirma ng Department of Health (DOH) na positibo na rin sa Polio Virus ang environmental samples sa Maynila at Davao City. Ito ay bukod pa sa 2-kaso ng Polio Infection na tumama sa 2-bata sa Lanao Del Sur at Laguna.
Ayon sa tagapagsalita ng DOH na si Health Undersecretary Eric Domingo, Vaccine-Derived Polio Type 2 (VDP2) Virus o hindi bagong strain ang tumama sa bansa. Pero may kaunting mutation na ito.
“However, iyong vaccine na derived na Polio pagka continuous siya nagccirculate nakakain naidudumi, nakakain, naidudumi every year may small percentage ng mutation doon sa vaccine-derived polio virus na less than 1 percent per year.” ani DOH Spokesperson, Undersecretary Eric Domingo.
Ayon sa DOH bagaman 2-kaso na tumama sa tao at 2-environmental samples pa lamang ang kumpirmado sa bansa ay dapat nang ika-alarma ito ng mga magulang.
Samantala, maaaring ma-i-transmit o maisalin ang Polio Virus sa pamamagitan ng dumi ng tao, kaya’t payo ng ahensya kalinisan sa kapaligiran at ibayong pag iingat ang susi para maiwasan ang naturang sakit.
Payo pa ng DOH sa mga magulang i-check ang immunization status ng mga anak dahil mga batang 5- taong gulang pababa ang pinaka high risk o may pinakamataas na tsansang magkasakit ng Polio. Palagi ring maghugas ng kamay at panatilihing malinis ang kapaligiran.
(Mai Bermudez | UNTV News)
