Mas pinaigting na at mas pinabilis pa ang border security at scanning capability ng Davao International Container Terminal (DICT) dahil sa mga makabagong state of the art portal-type x-ray machine nito na pinasinayaan noong Janury 12, 2021 kasama ang Bureau of Customs.
Ayon sa BOC, mas mahihigitan pa ang maximum inspection capacity ng port sa tulong ng nasabing x-ray machines na ito. Nasa 160 kada oras o 3,840 na containers kada araw ang kayang i-scan ng nasabing x-ray, di hamak na mas mahigit sa dating maximum inspection capacity ng naturang port.
Hindi lang nito mas mahihigpitan ang border security capability ng DICT, mas mabibigyan na rin ng mas maayos na serbisyo at mapapabilis ang clearance ng mga sea freight cargo ng port.
Ngayon ay kailangan na lamang na dumaan sa nakalaang portal ng machine ang mga container truck para ma-scan ang mga ito.
Ang mga nasabing x-ray machines na ito ay bahagi ng 10-point priority program ng ahensya, sa pangunguna ni Commissioner Rey Leonardo B. Guerrero, upang mapalawig pa ang scanning capability ng mga port sa buong bansa.
Sa ngayon ay mayroon nang 13 fully operational na mga x-ray machine ang Collection District XII na handang protektahan ang naturang port laban sa mga ipinagbabawal na mga kalakal, droga, o anomang kontrabando.
(Syrixpaul Remanes | La Verdad Correspondent)
Tags: BOC
METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
METRO MANILA – Nagbabala ang Bureau of Customs (BOC) ang publiko laban sa parcel o love scam ngayong holiday season.
Pinapayuhan ng ahensya ang publiko na maging maingat sa mga tawag, mensahe o email na nagsasabing mayroong package o parcel na nakabinbin sa BOC na nanghihingi ng bayad para ito ay mailabas.
Dagdag ng ahensya, ang pagbabayad ng customs duties at taxes ay maaari lamang gawin sa BOC cashier o sa pamamagitan ng authorized agent banks.
Kung sakaling naging biktima ng scam, i-check sa website kung ang nasabing courier o forwarder ay accredited.
Maaari ding makipagugnayan sa BOC upang ma-verify kung ang resibo, tracking number at ibang dokumento na natanggap ay tunay o fake.
Tags: BOC
METRO MANILA – Hindi na ibebenta sa Kadiwa Stores ang Milyon-milyong Pisong halaga ng mga smuggled na puting sibuyas na nakumpiska ng Department of Agriculture (DA) at Bureau of Customs (BOC) sa ilang warehouse sa Maynila kamakailan.
Ayon kay DA Deputy Spokesperson Rex Estoperez, labag sa panuntunan ang BOC ang pagbebenta ng mga smuggled na agricultural products.
Bukod dito, nabubulok na rin umano ang mga sibuyas na kanilang nakumpiska.
Dahil dito, target muna ng DA na mailabas ang natitira pang suplay ng sibuyas sa mga cold storage facilities habang paunti-unti na ring nag-aani ang mga magsasaka ngayong Disyembre.
Tags: BOC, DA, Puting Sibuyas, Smuggled
