Russian airbus(REUTERS)

Naniniwala ang isang Russian Aviation Official na sa himpapawid pa lamang ay sumabog na ang Russian airliner airbus A-321 na bumagsak sa Egypt noong Sabado.

Ito ang sinabi ni Viktor Sorochenko, isang opisyal kasama ng Inter-Governmental Aviation Committee matapos ang isinagawang imbestigasyon sa Sinai Peninsula kung saan bumagsak ang charter plane na ikinamatay ng lahat ng 224 na pasahero.

Gayunman, maaga pa raw para gumawa ng konklusyon sa pagbagsak ng eroplano.

Sa ngayon ay hawak na ng mga otoridad ang black boxes ng airbus A-321 Kogalymavia flight 9268 at patuloy na itong iniimbestigahan.

Nagdeklara na ng national mourning day si President Vladimir Putin.

Inilagay sa half-mast ang mga watawat sa mga official building sa St.Petersburg.

Tags: Egypt, Russian airbus, Russian Aviation