Muling itinalaga ni Pangulong Rodrigo Duterte ang tatlo niyang cabinet member na na-bypass ng Commission on Appointments.
Ang mga ito ay sina Health Secretary Paulyn Jean Ubial, Social Welfare Secretary Judy Taguiwalo at Agrarian Reform Secretary Rafael Mariano.
Inilabas na rin ng Malakanyang ng ad interim appointment ni Environment Secretary Roy Cimatu.
Sa July-24 pa muling magkakaroon ng regular na sesyon ang Kongreso kung saan posibleng pagtibayin, tanggihan o muling ipagpaliban ng CA ang pagkakatalaga sa mga naturang kalihim.
Samantala, mananatili sa pangangalaga ng Philippine Coastguard ang P32-million pesos na cash na naharang ng mga otoridad sa pantalan ng Cagayan de Oro City.
Ito ay sa kabila ng pagpapawalang sala ng Department of Justice sa kasong rebelyon sa apat na empleyado ng UCPB na nakunan ng pera.
Ayon sa PCG Northern Mindanao District, nagpapatuloy parin ang kanilang imbestigasyon sa insidente.
Nakikipagugnayan naman umano ang PCG sa banko Central sa Cagayan de Oro upang mas maingatan ang nasabing halaga ng pera.
June 25 ng harangin ng mga port personnel ang mga empleyado ng UCPB.
Inako naman ng UCPB ang pera na ililipat sa kanilang branch sa Cebu City at wala itong kinalaman sa rebelyon ng mga teroristang Maute.
Walang bayad ang dugong ibinibigay ng Philippine Red Cross. Ito ang pahayag ng humanitarian organization matapos kwestyunin ni Pangulong Rodrigo Duterte kung bakit may sinisingil ang PRC pag mag-aavail ng dugo gayong kinukuha ito sa pamamagitan ng blood donation drive mula sa mga volunteer.
“Mahilig kayong magpa-bloodletting. Isang batalyon na pulis, isang batalyon na army. Tapos ang mga tao dyan kung kailangan, bumili. Ang mahirap dyan o mayaman, gusto ng dugo sa Red Cross, nagbabayad! Eh saan naman yung mga dugo na kinuha mo dyan sa mga sundalo pati pulis pati sibilyan? I’m just trying to reconcile. Magbayad ka maski mahirap ka,” pahayag ni Pang. Rodrigo Duterte.
Sa isang pahayag, sinabi ng PRC na naayon sa polisiya ng DOH ang pangongolekta ng blood processing fee para ilaan sa mga serbisyo, at operasyon tulad ng donor recruitment, education, collection, blood testing, preparasyon ng blood products at iba pang proseso upang masiguro ang kaligtasan ng dugong isasalin.
Maaari ring mai-avail ito ng libre sa blood facilities ng Red Cross kung makapagpapakita ng certificate of indigency mula sa ospital kung saan naka-admit ang pasyente o mula sa PRC welfare services.
Dagdag pa nito, naglunsad din anila ang samahan ng blood samaritan program upang makalikom ng pondo para sa mga pasyenteng walang kakayahang bayaran ang blood processing fee.
Ang PRC ay pinamumunan ni Senator Richard Gordon, na chairman ng Senate Blue Ribbon Committee na dumidinig sa procurement ng medical supplies ng administrasyong Duterte noong nakalipas na taon.
Inaakusahan ni Pangulong Duterte ang senador na ginagamit ang PRC upang makakalap ng pondo para sa kaniyang political plans. Inatasan din nito si Solicitor General Jose Calida na sulatan ang Commission on Audit (COA) upang pormal na hilingin na busisiin ang financial records ng PRC.
Rosalie Coz | UNTV News and Rescue
Tags: DOH, duterte, Pangulong Duterte, Philippine Red Cross, Sen. Richard Gordon
METRO MANILA – Kinwestyon ng mga senador ang P42-B na inilipat na pondo ng Department of Health (DOH) sa Department of Budget and Management (DBM) – procurement service.
Isa ito sa nakitang deficiencies ng Commission on Audit (COA) sa naging paggamit ng COVID-19 funds noong nakaraang taon dahil sa kawalan ng ilang dokumento.
Ayon sa mga senador, kabilang dito ang anila’y overpriced na pagbili ng face masks at face shield.
Nasa P27 kada piraso ng face mask ang binili habang P120 naman kada piraso ng face shield.
Paliwanag ng DOH, ginawa ang pagbili sa mga ito noong walang pang Suggested Retail Price (SRP) at kinukulang pa ang suplay.
“We were looking at the reasonable price existing at that time. And because of global demands.”ani DOH – Procurement Service Dir. Paul Guimbarda.
Pero giit ng mga senador, napakalayo nito sa SRP na inilabas ng DOH noon ding nakaraang taon.
“DOH released a memorandum providing suggested retail prices for this items. 2-4 pesos per piece of face mask and 26 – 50 pesos per face shield. If you compare this to your statement na bago pa lang nun, ang laki naman po ng diperensya. Ang laki ng overpricing.” ani Senate Minority Leader Sen. Franklin Drilon.
“Sabihin na natin na very tight ang supply at that point, pero saksakan naman yata ng overpriced.”
ani Sen. Imee Marcos.
Nais matanong ng mga senador dating DBM-PS Head Undersecretary Christopher Lloyd Lao.
Pero ayon kay DBM Acting Secretary Tina Rose Canda, nagbitiw na sa pwesto si Lao noong Hunyo.
Nagturuan naman ang DOH at DBM sa delayed at hindi nagastos na special risk allowance at meal, accommodation, transportation allowance para sa mga health worker.
Kabilang sa mga idinaing ng ilang grupo na may mga health care worker ang hindi pa rin nakatanggap ng benepisyo simula pa Setyembre ng nakataang taon.
Ipinagtanggol naman ng ilang Senador ang Commission on Audit matapos ang paglalabas ng sama ng loob ni Duque sa pagdinig sa kamara.
“Kaya hindi dapat tayo nagwawala na winarat sila. Sorry sec. Duque I do not agree with your statement na winarat kayo. Ginawa ng COA ang tungkulin nila at kayo ay may pagkakataon na sumagot at ayusin ung mga kusot na nakita sa inyo.”ani Chairperson, Senate Blue Ribbon Committee Sen. Richard Gordon.
“lahat po tayo dito ay halos wala nang tulog. Hindi ito pa-contest ng kung sinong ahensya ang mas may maraming ginagawa at kung sino ang pinakapagod at nakakaawa. Ito po ay usapin ng pananagutan.”ani Sen. Risa Hontiveros.
Magkakaroon ng susunod na pagdinig ang Senate Blue Ribbon Committee sa August 25.
(Harlene Delgado | UNTV News)
METRO MANILA – Ipinagpaliban ng Department of Health (DOH) ang pagbili ng high-end laptops na nagkakahalaga ng P700,000.
Batay sa isang request ng DOH, bawat high end 2-in-1 laptop with accessories ay nagkakahalaga ng P125,000
Plano ng kagawaran na gamitin ang mga ito para sa kanilang knowlegde management and information technology.
Ngunit ayon kay Usec. Leopoldo Vega, Chief ng Administration and Financial Management Team ng DOH, pansamantalang nakabinbin ngayon ang naturang procurement.
“However to date the procurement process was put on hold pending the result of the further market study and prevailing market price for these laptops” ani Treatment Czar Usec. Leopoldo Vega.
Kinumpirma ng opisyal ang pagpapatigil sa laptop procurement kasunod ng COA Report na may deficiency sa paggamit ng P67-billion COVID-19 funds ng DOH.
Kaugnay nito, naninindigan ang DOH na hindi nasayang at hindi rin ginamit sa korupsyon ang naturang pondo.
“Mga kababayan hindi po ito nasayang due to enactment of continuing appropriations of Bayanihan 2 funds. Hindi rin po ito nasayang because those procurement and other covid related activities which were not accomplished last year due to varying factors were done in the first semester of the current year. These includes procurement of vaccines, whose negotiation, did not proceed in the later part of year 2020” ani DOH/ Treatment Czar Usec. Leopoldo Vega.
Sa isinumiteng sagot ng DOH kaugnay sa COA report, sinabi nito na nagbigay na sila ng direktiba sa mga concerned operating units na kaagad na isumite ang kompletong dokumento ng mga ito para sa liquidation ng p98m na cash advances at petty cash funds.
Sinagot din ng DOH kung saan napunta ang P11.8 billion unobligated allotments mula sa Bayanihan 1&2.
Depensa pa ng DOH, hindi korupsyon kundi ito ay isyu lamang ng kakulangan sa dokumentong magpapatunay kung saan nagamit ang mga pondo.
Kumpiyansa ang DOH na maisusumite nila lahat ng hinanahanap ng coa hanggang sa buwan ng Setyembre.
“Compliance is ongoing and some of these has already been resolved as presented all the deficiencies are really all compliance issues” ani DOH/ Treatment Czar Usec. Leopoldo Vega.
“Ang pagsusuri po ng COA ay bahagi lamang ng normal na proseso ng checks and balances ng ating gobyerno. Ito po ay ginagawa taon- taon ay lahat po ng opisina ng gobyerno ay binibigyan ng ganitong obserbasyon. Handa po ang DOH na sagutin at ipaliwang ang mga resulta ng pagsusuri na ito at isumite ang mga dokumentong kailangan ng Commission on Audit” ani DOH Spokesperson, Usec Maria Rosario Vergeire.
Kapag naisumite na ng DOH ang mga kinakailangang dokumento, muling sasailalim ito sa pagsusuri at saka ilalabas ng COA ang consolidated annual report sa paggastos ng kagawaran.
(Aiko Miguel | UNTV News)
Tags: COA, DOH, Liquidation
