Nagtagisan ng galing sa pagmomodelo ang ating mga kababayan sa Taiwan. Suot ang mga kasuutang likha rin ng mga kapwa Pinoy, nagtipon ang mga Pinoy fashionistas sa ginanap na Arts and Fashion Charity Event kahapon sa Hsinchu City.
Bukod sa mga papremyo, nagkaloob ng tulong sa ating mga kababayang nangangailangan sa Pilipinas ang mga organizer ng event.
Tampok sa ginanap na fashion show ang mga likhang kasuotan ni James Paul na isa rin sa mga naging hurado.
Samantala, napahanga ang mga hurado sa husay ng mga Pinoy hindi lamang sa kanilang dedikasyon sa trabaho kundi dahil ipinagmamalaki ng mga ito ang kulturang Pilipino.
Sa pagtatapos ng programa ay itinanghal na grand winner sa male category si Jake Geronimo at si Mariel Angelica Cano sa female category.
( Amiel Pascual / UNTV Correspondent )
Tags: charity fashion show, Pinoy, Taiwan
