Hindi lamang si Vice President Leni Robredo ang nakatanggap ng desist order mula kay Pangulong Rodrigo Duterte.
Ayon sa pahayag ni Commission on Higher Education Chair Patricia Licuanan, Linggo ng makatanggap siya ng text message mula kay Cabinet Secretary Jun Evasco na nagsasabing huwag na siyang dadalo sa mga cabinet meeting simula sa araw ng Lunes, December 5.
Sinabi naman ni Licuanan kay Evasco na susunod siya sa direktiba ng pangulo ngunit tiniyak na gagampanan pa rin ang tungkulin bilang chairperson ng CHED.
