Handang makipagtulungan ang aktor na si Cogie Domingo sa anti-drugs campaign ng pamahalaan.
Ayon kay Philippine Drug Enforcement Agency Calabarzon Officer in Charge Lexington Alonzo, nangako umano ang death row star na tutulong na masawata ang mga gumagamit at nagpapakalat ng iligal na droga sa entertainment industry.
Gayunman, hindi pa aniya malinaw kung papangalanan nito ang mga showbiz personality na gumagamit ng droga.
Si Domingo ay naaresto ng PDEA sa buybust operation sa Parañaque City noong October 27.
Tags: Cogie Domingo, pdea, war on drugs
METRO MANILA – Itinanggi ng Philippine Drug Enforcement Agency (PDEA) na nasa kanilang drug watchlist si Pangulong. Ferdinand Marcos Jr.
Kasunod ito ng talumpati ni dating Pangulong Rodrigo Duterte na umano’y nakita nya noon sa listahan drug personalities ng PDEA si PBBM.
Ayon kay PDEA Spokesperson Derick Carreon, hindi kailanman napasama ang pangulo sa kanilang drug watchlist.
Dagdag pa nito, simula noong i-activate ang kanilang National Drug Information System noong July 30, 2002 ay hindi lumutang ang pangalan ni Pang. Marcos Jr.
Sinabi pa nito na maging noong panahon ng administrasyong Duterte ay wala din umano ito sa tinatawag nilang Inter-Agency Drug Information database.
Tiniyak naman ng PDEA na kahit na nasa ilalim sila ng Office of the President, ipatutupad nila ang rule of law.
Tags: drug watchlist, PBBM, pdea
METRO MANILA – Hindi pinagbigyan ng International Criminal Court (ICC) appeals chamber ang hiling ng Pilipinas na huwag nang ituloy ang imbestigasyon sa war on drugs at ang isyu ng Davao death squad ng nakaraang Duterte administration.
Tatlong huwes ng ICC appeal chamber ang bumuto pabor at 2 naman ang dissenting o tutol.
Ayon pa sa ICC appeals chamber, hindi isyu ng hurisdiksyon ang naging basehan sa desisyon kundi walang mali sa naging desiyon ng kanilang pre-trial chamber na payagan ang prosecutor na ituloy ang imbestigasyon.
Kabilang sa mga dahilan o ground bakit gusto sana na pamahalaan na huwag ituloy ang pag-iimbestiga ng ICC ay dahil wala itong hurisdiksyon sa Pilipinas matapos tayong kumalas noong 2019.
Ayon naman sa grupong human rights watch, ang desisyon ng ICC judges ay susunod na hakbang para mga biktima ng war on drugs.
Dapat din aniyang patunayan ng Marcos administration ang commitment sa pagtataguyod ng human rights at makipagtulungan sa imbestigasyon.
Tags: ICC, war on drugs
METRO MANILA – Natanong ni Senator Christopher Bong Go, kung makatutulong ba kung sakaling gawing Drug Czar si Dating Pangulong Rodrigo Duterte upang masugpo ang pagkakasangkot ng mga pulis sa iligal na droga.
Natanong ito ng senador sa pagdinig ng Senate Committee on Public Order and Dangerous Drugs nitong Martes, sa P6.7 Billion drug haul na kinasangkutan ng ilang pulis.
Ayon kay Go, sayang naman ang war on drugs campaign ni Dating Pangulong Duterte, kung babalik ang paglaganap ng iligal na droga.
Para naman kay Philippine National Police (PNP) Chief Police General Benjamin Acorda. Jr., susuportahan niya ang anomang kampanya ng pamahalaan laban sa iligal na droga.
Tags: PNP, war on drugs
