Sa apat na pu’t isang pahinang resolusyon na sinulat ni Commissioner Aimee Ferolino, dinismiss ng COMELEC first division ang tatlong consolidated cases laban kay presidential candidate Ferdinand Bongbong Marcos, Jr. dahil sa kawalan ng merito.
Ito ang mga kasong isinampa ni Bonifacio Ilagan et al, Abubakar Mangelen, at AKBAYAN et al.
Sa kanilang desisyon, nilinaw ng dibisyon na hindi pwdeng i-apply kay Marcos ang perpetual disqualification sa ilalim ng presidential decree 1994 dahil naging epektibo lang ang batas noong January 1, 1986, at wala rin sa desisyon ng Court of Appeals na siya ay disqualified sa pagtakbo ng anomang posisyon sa gobyerno.
Sa huli, binigyang diin ng COMELEC first division, batay sa Supreme Court ruling sa kasong republic of the Philippines versus Ferdinand Marcos II and Imelda Marcos.
Ang bigong paghahain ng income tax return ay hindi kasalanan na may kinalaman sa moral turpitude.
Sinuri din ng dibisyon ang mga dokumento na isinumite ng respondent na nagpapakitang nagbayad ito ng kanyang tax deficiences at penalties.
Sa kanyang hiwalay na concurring opinion, sinabi ni Commissioner Marlon Casquejo na bumoto siya pabor sa pag-dismiss ng mga kaso.
Ayon kay Casquejo, ang desisyon ng Court of Appeals ay pinal at wala sa kanilang huridiksyon upang ito ay baguhin.
Samantala, sinabi naman ng petitioner na AKBAYAN, hindi pa tapos ang kanilang laban at mag-aapela sa COMELEC en banc.
Ayon naman kay Atty. Howard Calleja, abogado ng petioner ng Bonifacio Ilagan et al na hindi na sila nagulat desisyon ng comelec first division, pero, patuloy nilang gagamitin ang lahat ng legal remedies.
Sa kabila nito pinuri naman ng kampo ni Marcos ang mga miyembro ng COMELEC first division sa kanilang pagdismiss sa umano’y nuisance petitions.
Napatunayan din umanong guilty ang mga petitioner sa tahasang pagliligaw sa COMELEC sa pamamagitan ng kanilang maling paggamit ng mga probisyon ng batas.
Dante Amento | UNTV News
Tags: BBM, Bongbong Marcos, COMELEC
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
