Makikipagtulungan ang Commission on Election o COMELEC sa ilang malalaking social media networks tulad ng twitter at facebook kaugnay ng nalalapit na may 2016 elections.
Layunin nito na mas maabot ang milyon-milyong mga pilipino upang mabigyan ng tamang impormasyon at kaalaman sa eleksyon.
Ayon sa mga pag-aaral nasa apatnuput pitong milyong pilipino ang aktibong gumagamit ng social media.
Kaya naman mas madaling makararating sa mga ito ang mga mensahe o impormasyong kailangang maipaabot ng ahensya.
Malaking tulong din umano ito upang makabahagi ang mga Pilipino para sa darating na presidential at vice presidential debate ngayong Pebrero.
