Itinanggi ni Comelec Chairman Andres Bautista na mayroon siyang “hidden wealth” na tinatayang isang bilyong piso.

Handa umano niyang patunayan sa kahit anomang imbestigasyon na hindi totoo ang akusasyon ng kaniyang asawa na si Patricia Paz Bautista na mayroon siyang condominium unit sa San Francisco at bank accounts na naglalaman ng malaking halaga.

Bukas aniya ang kaniyang 2016 statement of assets, liabilities and net worth o saln upang patunayan na iyon lang ang kaniyang ari –arian.

Ang mga akusasyon ni Mrs. Bautista ay may halo umanong pamumulitika na bunga ng kaniyang problemang pinansyal.

Handa na rin aniya siyang bumaba sa pwesto kung maaapektuhan ng isyu ang kaniyang katungkulan.

(Aiko Miguel / UNTV Correspondent)

Tags: Chairman Andres Baustista, COMELEC