Naiinip na ang karamihang evacuees sa Albay. Karamihan sa kanila, sanay sa pang araw-araw na gawain sa bukid kaya naman nakaka-inip ang manatili sa evacuation center ng walang ginagawa.
Tulad ni Mang Islao, napipilitan na siyang bumalik sa kaniyang bahay sa Brgy. Salungan Camalig, Albay na sakop ng 6.5 kilometer extended danger zone.
Kaya naman naisipan ng local na pamahalaan na maglagay ng communal garden. Dalawang ektarya ng lupa ang ipinahiram ng isang kongresista sa mga evacuees na nasa Ligao City National Technical Vocational High School.
Ang nasabing lupa ay katabi lamang ng evacuation center at maaring pagtaniman ng gulay.
Sa ikatlong distrito ng Albay, mayroon ng apat na communal gardens na proyekto ng lokal na pamahalaan.
Sa ngayon nasa mahigit 58 libong tao pa ang nanatili sa 63 evacuation centers sa 9 na bayan sa Albay.
( Allan Manansala / UNTV Correspondent )
Tags: Albay, communal gardens, evacuees
METRO MANILA – Tiniyak ni Pangulong Ferdinand Marcos Jr. na may sapat na pondo ang pamahalaan upang tugunan ang pangangailangan ng mga pamilyang apektado sa patuloy na aktibidad ng bulkang Mayon.
Ayon sa pangulo, walang problema sa budget ngunit dapat rin aniyang tingnan ang iba pang tulong na maaaring ibigay sa mga residenteng lumikas mula sa paligid ng Mayon.
“In terms ng actual na gastos alam ko may budget tayo ang sinasabi ko ang instruction ko sa kanila pag-aralan nilang mabuti hindi basta bigay kayo ng bigay ng pera kailangan tingnan niyo kung ano ang problema para maayos natin ung may problema sila.” ani Pang. Ferdinand Marcos Jr.
Ayon kay PBBM, dapat ring pagtuunan ng pansin ang kalagayan ng mga batang hindi nakapag-aaral at maging ang kalagayan ng kanilang magulang.
Tags: Bulkang Mayon, Ecvacuees, evacuees, PBBM
Ipinaliwanag ng Philippine Institute of Volcanology and Seismology (PHIVOLCS) na ang nakitang tila puting guhit sa dalisdis ng Bulkan Mayon sa Albay ay mga volcanic deposits sa naghalo sa tubig ulan kaya’t umagos ito sa paanan ng bundok.
Gayun man, nagpaalala pa rin ang Office of Civil Defense 5 sa local government unit ng mga bayang nasa paligid ng bulkan na maging alerto sa mga posibleng mangyari kung patuloy na magkakaroon ng pagaagus ng maraming tubig sa Mayon.
Patuloy din ang koordinasyon ng ahensya sa PHIVOLCS maging sa Albay Public Safety and Emergency Management Office hinggil sa kalagayan ng bulkan ngayong patuloy itong kinakikitaan ng aktibidad.
Nananatili pa rin sa ngayon sa alert level 1 ang Mt. Mayon.
Makilala, Cotabato – Nakaranas ng pagsusuka at pananakit ng tiyan ang 30 residente sa Makilala Cotabato ang dahil sa kinaing donasyong pagkain sa evacuation center na kanilang tinutuluyan.
Matapos suriin at painumin ng gamot ng mga doktor agad namang nakalabas ng ospital ang mga ito.
Dahil sa insidente hindi na pinahihintulutan ng lokal na pamahalaan ng Makilala, Cotabato ang pagdadala ng ready-to-eat meals sa mga evacuation centers.Iinspeksyunin na rin muna ng husto ng LGU ang lahat ng mga darating na donasyon.
Samantala, dead on the spot ang pahinante ng truck na may dalang donasyong tubig para sa mga biktima ng lindol matapos mawalan ng preno ang kanilang sasakyan. Sugatan naman ang kasama niyang driver.Ikinalungkot din ng Makilala Local Government ang nangyaring aksidente.
(Janice Ingente | UNTV News)
Tags: evacuees
