Convicted killer, pinatay sa loob ng New Bilibid Prison

by Radyo La Verdad | October 23, 2015 (Friday) | 1925

bilibid prison

Pinatay sa loob ng New Bilibid Prison ang convicted killer na si Charlie Gaga Quidato.

Ayon kay Bucor spokesperson Roberto Olaguer, inabangan sa Kubol sa Dormitory 9 D2 Maximum Security Cell si Quidato ng suspek na si Ronald Catapang at saka binaril

Talong putok ng baril ang narinig ng mga guwardiya subalit 2 lamang ang tumama sa dibdib ni Quidato at pinukpok pa ito sa ulo.

Sinabi ni Olaguer na sumuko si Catapang sa mga guwardiya bitbit ang kutsilyo, subalit nang halughugin ang selda nito ay natagpuan ang Cal. 38 na baril at ang Magnum 357 na gamit sa pagpatay.

Bukod diyan, may 12 pang ibat-ibang armas ang nakuha sa selda ni Catapang at isang Granada.

Si Quidato ay dating warden ng Masbate City Jail at pumatay kay Masbate Mayor Moises Espinosa.

Iniimbestigahan pa ng Bucor kung ano ang motibo sa pagpaslang at kung pano naipasok ang mga armas sa loob ng kulungan.

Tags: , ,