COVID-19 Alert Level 2 sa Metro Manila, mananatili hanggang November 30

by Radyo La Verdad | November 15, 2021 (Monday) | 176

METRO MANILA – Hanggang katapusan na ng Nobyembre iiral ang COVID-19 alert level 2 sa Metro Manila.

Sa ilalim ng quarantine classification na ito, maximum 50% indoor venue capacity para sa fully vaccinated at menor de edad kahit di pa bakunado at 70% naman sa outdoor venue capacity sa mga pinahihintulutang activities at business establishment.

Ang probinsya naman ng Catanduanes, sasailalim sa alert level 4 simula November 17 – 30, 2021.

Alert level 3 naman sa Baguio City mula November 15 – 30, 2021 gayundin ang mga probinsya ng Batanes, Quirino, Nueva Vizcaya, Isabela City, at Zamboanga City mula November 17 hanggang katapusan ng buwan.

Alert level 2 naman ang paiiralin sa Ilocos Sur, La Union, Pangasinan, Dagupan, Ilocos Norte, Tacloban, Southern Leyte, Samar, Ormoc City, Eastern Samar, Northern Samar, Leyte, Biliran, South Cotabato, Sarangani, General Santos City, Sultan Kudarat, at Cotabato.

Gayundin ang Nueva Ecija, Bataan, Aurora, Pampanga, Bulacan, Tarlac, Zambales, Olongapo, Angeles City, Rizal, Cavite, Laguna, Batangas, Quezon, Lucena City, Bacolod City, Iloilo City, Negros Occidental, Capiz, Antique, Aklan, Iloilo Province, Guimaras, Negros Oriental, Lapu-Lapu City, Cebu City, Mandaue City, Cebu Province, Bohol, Cagayan De Oro City, Misamis Oriental, Iligan City, Davao Del Norte, Davao De Oro, Davao Occidental, Davao City, Davao del Sur at Davao Oriental.

Sa November 17 naman magsisimula ang alert level 2 sa Santiago City, Cagayan, Isabela, Albay, Sorsogon, Naga City, Camarines Sur, Camarines Norte, Masbate, Zamboanga del Norte, Zamboanga Sibugay at Zamboanga del Sur.

(Rosalie Coz | UNTV News)