Ipinamahagi ni Department of Agriculture (DA) Secretary William Dar sa kaniyang pagbisita sa Lamac Multipurpose Cooperative (LMPC) sa Pinamungajan, Cebu, ang P91,043,000 para sa mga magsasaka at mangingisda sa lalawigan.
“Ang mga magsasaka ang totoong frontliners sa panahon ngayon ng pandemiya dahil sinisigurado at nag bibigay sila ng ating makakain. Sila ang tunay nating bayani.” ani DA Secretary William Dar.
Kasama sa mga ibinigay ay mga hayop sa bukid, biogas digester, 4WD 90HP with accessories, fiberglass, boats sisal processing center at cocohub. Naglabas din sila ng tseke para sa mga magsasaka ng niyog.
Lubos na nagpapasalamat ang kalihim sa kanilang kooperatiba dahil sa marami na itong nagawa para sa mga magsasaka at mangingisda. Ipinahayag pa ng kalihim na ang pakikipag tulungan ng LGU at ng rehiyon ay isa sa mga ambag na tagumpay ng kanilang agrikultura.
Naglunsad din ng cash at food subsidy program sa mga kwalipikadong magsasaka na makaktanggap ng P3,000 cash at P2,000 kasinghalaga ng 25 kilos rice, itlog at manok.
Kasabay nito ay ang paglagda ng Agri Chief sa memorandum of agreement para sa smoke house at post harvest na kagamitan ng Bureau of Fisheries and Aquatic Resources para sa LMPC, pagtatatag ng Visayan Coconut Seed Production Center kasama ang Philippine Coconut Authority, fibercrop nursery ng Philippine Fiber Industry Authority, at ang muling pagbili ng mga produktong pang agrikultura ng Virginia Farms, Inc. para sa gulay, mais, baka at iba para sa mga LMPC farmers.
(Zyra Mae Cabiles | La Verdad Correspondent)
Tags: magsasaka, mangingisda
METRO MANILA – Nananatiling pinakamahirap na sektor ang mga mangingisda at magsasaka batay sa Poverty Incidence noong 2021.
Batay sa datos na inilabas ng Philippine Statistics Authority (PSA), ang mga mangingisda ang may pinakamataas na poverty incidence noong 2021 sa 30.6%, sinundan ng mga magsasaka sa 30%, mga bata sa 26.4% at mga indibidwal na nakatira sa rural areas sa 25.7%.
Ang mga nabanggit na sektor ang nakapagtala rin ng pinakamataas na poverty incidence noong 2015 at 2018.
Tags: magsasaka, Poverty incidence, PSA
METRO MANILA – Base sa datos ng Bureau of Plant Industry, mula Enero hanggang October 13 ay halos nasa 3.098 Million metric tons na ang nakarating na imported na bigas sa bansa.
Noong nakaraan taon naman ay umabot sa 2.771 Million metric tons ang kabuoang inangkat ng bansa.
Pinakamarami sa mga inangkat ay mula Vietnam, pangalawa sa Myanmar at sinundan ng Thailand.
Una ng nanawagan na ang Samahang Industriyang Agrikultura (SINAG) na huwag itaon sa anihan ang pag-aangkat ng palay.
Base sa price monitoring ng Department of Agriculture, ang presyo ng imported premium rice ay P45 kada kilo, 42 sa well-milled at 38 sa regular milled.
Halos pareho lang ito sa presyo naman ng lokal na bigas. Hinihintay pa ng UNTV ang pahayag ng Department of Agriculture (DA) hinggil sa isyu ng importasyon.
(Rey Pelayo | UNTV News)
Tags: imported rice, magsasaka
MANILA, Philippines – Naghain ng resolusyon si Senate Committee on Agriculture And Food Chairperson Senator Cynthia Villar na layong imbestigahan ang implementasyon ng Rice Tariffication Law.
Partikular ang tungkol sa Rice Competitiveness Enhancement Fund na nagsisilbing tulong sa mga magsasaka.
Ayon kay senator Villar, naglabas ang Department Of Budget And Management (DBM) ng P5 B noong December 2018 na tulong sa mga magsasaka.
Ngunit P1 B lamang ang napunta sa sektor ng magsasaka. Kontra umano ang posisyon ng (DBM) at Agriculture Department.
“Hindi raw para sa rice competitiveness enhancement fund yun pero sabi ng DBM (Department of Budget & Management) iyon daw ay para sa rice competitiveness fund so we will know who is telling the truth” ani Senate Committee on Agriculture & Food Chairperson Senator Cynthia Villar.
Ayon sa senador, hindi nila alam kung saan ginastos ng Department of Agriculture ang nasabing pondo na para sana sa pambili ng mga farm equipment na ibibigay sa karapat dapat na rice farmer association at kooperatiba.
“Kasi this is very important, this is the competitiveness of our farmers kasi we have liberalize the importation of rice so we have to make our farmers as competitive as soon as possible” ani Senate Committee on Agriculture & Food Chairperson Senator Cynthia Villar.
Samantala sa ilalim ng Rice Tarification Law, P10 B taun taon ang ilalaan para sa Rice Competitiveness Enhancement Fund.
(Nel Maribojoc | Untv News)
Tags: magsasaka, pondo, Rice Tariffication Law
