Photo credit: upi.com

Pansamantalang isinara sa mga motorista ng mga otoridad sa Clearwater, Florida ang dalawang lanes ng isang kalsada sa lugar upang ma-protektahan ang isang bald eagle na nagtamo ng injury sa kanang pakpak nito.

Ayon sa Facebook post ng Clearwater Police Department, nakahambalang sa gitna ng kalsada ang agila dahil sa hindi ito makalipad matapos matamaan ng isang sasakyan habang kumakain ito sa northbound lane.

Tahimik na nakaupo ang agila sa gitna ng kalsada habang hinihintay ng pulisya ang isang wildlife rescue specialist.

Maya-maya pa’y nakagalaw ang agila at nakapunta pa sa damuhan sa gilid ng kalsada bago ito mahuli ng espesyalita.

Kasalukuyang nagpapagaling ang bald eagle sa Owl’s Nest Sanctuary for Wildlife sa lugar.

Tags: Dalawang lane sa kalsada sa Florida, isang sugatang agila