Pasado alas nueve kagabi ng tupukin ng apoy ang dalawang palapag na paupahang apartment sa Advincula Street corner FB Harrison Street, Pasay City.
Nadamay din sa sunog ang daycare center at isang restaurant kaya itinaas sa ikatlong alarma ang sunog.
Ayon sa isa sa nasunugan, may narinig silang mga pagsabog at kasunod na nilang nakita ang makapal na usok kaya sumabas sila ng apartment.
Kahit wala silang naisalbang gamit nagpapasalamat parin si Monoque dahil ligtas ang dalawa niyang anak at sa ngayon hindi pa niya alam kung papaano magsisimula.
Sa imbestigasyon ng Pasay Bureau of Fire Protection, posibleng problema sa linya ng kuryente ang pinagsimulan ng apoy.
Inaalam din ng Pasay BFP kung may permit ang paupahang aparmtent kung saan nasa dalawampung pamilya ang nakatira.
Wala namang nasaktan o masawi sa insidente at tinatayang nasa mahigit apat na raang libong pisong ang kabuoang halaga ng nasunog na ari-arian.
(Benedict Galazan / UNTV Correspondent)
Tags: Dalawang palapag, nasunog, Pasay city, paupahang apartment
