Dating Commissioner Gus Lagman muling iprinesinta sa Comelec ang kaniyang proposed election system

by Radyo La Verdad | May 27, 2015 (Wednesday) | 1153

LAGMAN
Sa harap ng bagong chairman at dalawang bagong Commissioner ng Comelec, muling ipinaliwanag ni dating Comelec Comissioner Gus Lagman ang kaniyang isinusulong na election system.

Subalit mula sa dating bansag na Transparent and Credible Election System o TCRES tinatawag na ito ngayong PATS o Precinct Automated Tallying System dahil sa ilang karagdagang ideya na ipinasok dito

Ayon kay Lagman sa enhanced system, bukod sa mano manong botohan at bilangan na sasabayan ng laptop count bago i transmit electronically, maglalabas din sa website ng Comelec ng partial results upang ma-access ng publiko at media.

Iminumungkahi din ni Lagman na sa halip ang mga guro pa rin ang gagamitin sa counting, ibang grupo na ang kukunin ng Comelec sa pagbibilang ng balota.

Nais din ng dating Comelec Official na gawing tatlong set at color coded ang balota para sa National, Local at Partylist upang hindi magiging masyadong mahaba ang balota at mabilis ang proseso ng bilangan.

Ayon kay Lagman, nasa 4 na bilyong piso ang magagastos ng pamahalaan sa naturang sistema.

Pero ayon kay Comelec Chairman Andres Bautista, kailangan muna nilang makita kung paano aktwal na gumagana ang sistema ni Lagman.(Victor Cosare/UNTV News)

Tags: