Hindi kailanman personal na nakita ni dating Eastern Visayas Police Regional Director PCSupt. Asher Dolina si Kerwin Espinosa at lalong wala siyang inuutusan upang kumuha ng payola sa nasabing drug lord.

Bilang isang abugado, idiniin ni Dolina na may loopholes o butas ang mga pahayag ni Espinosa laban sa kanya.

Kasunod ng mga akusasyon, nais ng opisyal na mabigyan siya ng pagkakataon upang makapagsalita sa Senado at makipagtulungan upang malinis ang kaniyang pangalan sa isyu ng illegal drugs.

Si Dolina ay kasama sa 20 opisyal na dinismiss ng Ombudsman dahil sa maanomalyang pagbili sa 20 rubber boats na nagkakahalaga ng P4.5 million noong 2009.

Ngunit nakabalik siya sa serbisyo matapos katigan ng Court of Appeals ang kanilang mosyon.

Samantala, ipatatawag naman ng internal affairs service si Dolina upang hingan ng counter affidavit.

(Aiko Miguel / UNTV Correspondent)

Tags: Dating Region 8 Director PCSupt. Asher Dolina, itinangging may tinanggap na payola kay Kerwin Espinosa