“From the time na nagsimula ang investigation, yung pagtatakip nila at yung gusto na ako ang gagawing escape goat at fall guy kitang kita ng sambayang Pilipino yan at kitang kita ng sambayanang Pilipino yung mga quippy na sagot niya even nung inilabas ang alternative truth na galing mismo sa bibig nya quippy ang ating dating pangulo.”

Ito ang mga reaksyon ni dating PNP Special Action Force Director Getulio Napeñas sa mga pahayag ni dating Pangulong Benigno Aquino III kaugnay ng Mamasapano encounter.

Ayon kay Napeñas ginawa niya ang kanyang trabaho subalit nakalulungkot na hindi sila tinulungan noong naipit sila sa sitwasyon.

Batay sa counter affidavit ni Pangulong Aquino sa Ombudsman, sinabi nito na inutusan nya si Napeñas na makipag ugnayan sa Armed Forces of the Philippines upang hindi makuyog ng mga rebelde ang SAF.

Ngunit ayon sa dating SAF Chief kahit kailan ay hindi daw siya nakatanggap ng direktang utos mula sa dating pangulo

January 11 to 14 2015 ang unang petsa upang isagawa ang Oplan Exodus subalit hindi ito natuloy.

Matapos ang ilang araw ay nagkaroon sila ng palitan ng mensahe ni dating PNP Chief Alan Purisima kung saan napag-usapan nila na aprubado na ni Pangulong Aquino ang operasyon sa January 23 to 26.

Naniniwala si Napeñas na nais lamang ibintang sa kanya lahat ni dating Pangulong Aquino upang makaiwas ito sa pananagutan sa pagkamatay ng SAF44.

Ayon kay Napeñas, nakahanda siyang harapin ang mga kaso na isinampa laban sa kanya.

(Mon Jocson / UNTV Correspondent)

Tags: Dating SAF Dir. Getulio Napeñas, sinabing ginawa siyang escape goat ni dating Pangulo Aquino