Dating US President Jimmy Carter (REUTERS)

Sumailalim sa liver surgery si dating U.S. President Jimmy Carter nitong Lunes para alisin ang maliit na bukol sa atay.

Isinagawa ang operasyon kay Carter, 90 taong gulang, sa Emory University Hospital sa Atlanta, Georgia.

Batay sa opisyal na pahayag ng ospital, naging matagumpay ang isinagawang operasyon sa dating pangulo at inaasahan na manunumbalik ang lakas nito.

SI Carter ay naging pangulo ng U.S. mula 1977 hanggang 1981 at naging aktibo ito sa iba’t ibang adbokasiya nang magretiro ito sa pulitika.