Hindi magbibigay ang Commission on Elections ng extension sa pagpapasa ng Statement of Campaign Expenditures o SOCE ng mga nanalong local candidate noong May 9 elections.
Ayon kay COMELEC Commissioner Robert Lim, hanggang June 8 na lamang ang pagpapasa nito at kung hindi mai-papasa sa takdang araw ay ikokonsidera itong ‘not filed’.
Ang hindi makakapagsumite ng SOCE sa unang pagkakataon ay pagmumultahin ng COMELEC habang ang bigong makapagpasa ng dalawa o higit pang beses ay maaring hindi na pahintulutang makatakbo sa mga susunod pang halalan.
(UNTV RADIO)
