Ipinahayag ng isang mambabatas na inaasahang magkakaroon ng pagbaba sa level ng debt-to-gross domestic product (GDP) kada taon simula 2023 hangga’t hindi pa bumababa ang fiscal conditions ng Pilipinas.
Mataas ang Debt-to-GDP ratio ng bansa na may 61% ngunit maaayos ito kung mahihigitan ang paglago ng GDP sa paglaki ng utang ayon kay Albay Rep. Joey Salceda.
Dagdag pa nito, dapat magsagawa ng marami pang fiscal space ang gobyerno sa halos P326-B upang maipagpatuloy ang pagpopondo sa “Build, Build,Build” program, Universal Health Care program, Free College Education program, Pantawid Pamilyang Pilipino Program (4Ps) at iba pang serbisyo at hindi mapondohan ang debt service ng utang.
Dinepensahan ni Salceda sa Kongreso ang inihayag ni DOF Chief Economist at dating Undersecretary Gil Beltran na umabot sa P15.4-T ang utang ng pamahalaan ngayong 2022 na mas mataas ng P2.2-T.
Ayon kay Beltran, dahil ito sa revenue-eroding legislative proposals o mga bagong appropriations kung ang administrasyong Duterte ay hindi nagpatupad ng fiscal discipline pagtugon sa COVID-19 pandemic.
Sinabi ni Salceda, regular na inaalis ng House Committee on Ways and Means at House Committee on Appropriations ang tax exemptions at extra tax incentives at mga special appropriations sa revenue-negative bills.
Samantala, ayon sa pahayag ni Beltran, patuloy pa rin ang gobyerno sa pagsasagawa ng fiscal prudence bilang pagtugon sa COVID-19 pandemic.
(Ritz Barredo | La Verdad Corespondent)
METRO MANILA – Bumagal ang naitalang paglago ng ekonomiya ng Pilipinas sa kabuoan ng taong 2023.
Base sa report ng Philippine Statistics Authority (PSA) naitala sa 5.6% ang Gross Domestic Product (GDP) ng bansa noong 4th quarter ng 2023 na mas mabagal kumpara sa 6% noong 3rd quarter ng nakaraang taon.
Mas mababa rin ito sa 7.1% GDP growth rate na naitala noon sa kaparehong quarter noong 2022.
Sa kabuoan ng 2023, umabot lamang sa 5.6% ang economic performance ng bansa, na mas mabagal kumpara sa 7.6% na naitala noong 2022.
Dahil dito hindi naabot ang target sana ng gobyerno na 6%-7% GDP growth rate ngayong taon.
METRO MANILA – Naniniwala pa rin ang administrasyon ni Pangulong Ferdinand Bongbong Marcos Jr. na magiging maganda ang usad ng ekonomiya ng bansa ngayong taon kahit na may mga hamon at epekto ng mga kaguluhan sa ibang mga bansa.
Tiwala ang economic managers ng pangulo na maaabot ang 6% to 7% na Gross Domestic Product (GDP) growth rate para sa taong 2023.
Ayon kay Finance Secretary Benjamin Diokno, maganda ang posisyon ng Pilipinas pagdating sa pananalapi at estado ng utang nito sa labas ng bansa.
Dagdag ng kalihim, nakikita ng world bank na posibleng mahigitan ng Pilipinas ang paglago ng ekonomiya ng ibang mga bansa sa East Asia.
Ilang hakbang ang tututukan ng administrasyon upang maabot ang tinatarget nitong Gross Domestic Product (GDP) growth kabilang na ang mabilis at maayos na paggamit ng pondo ng mga ahensya, pataasin ang produksyon sa agrikultura at targeted subsidy para sa mga sektor na apektado ng inflation.
METRO MANILA – Sisikapin ng administrasyon ni Pangulong Ferdinand Marcos Junior na magtutuloy-tuloy ang paglago ng ekonomiya ng Pilipinas sa ilalim ng kanyang termino.
Ito ang tiniyak ni National Economic Development Authority (NEDA) Secretary Arsenio Balisacan kasunod ng naitalang paglago ng Gross Domestic Product (GDP) ng bansa sa ikatlong quarter ngayong taon.
Kumpiyansa si Secretary Balisacan na on-track ang Pilipinas sa pag-abot ng economic at social transformation targets sa ilalim ng Philippine Development Plan para sa taong 2023 hanggang 2028.
Base sa latest report ng Philippine Statistics Authority (PSA) tumaas sa 5.9% ang naitalang GDP ng bansa ngayong 3rd quarter ng taon, mas mataas ito kumpara sa 4.3% na paglago noong second quarter.
Gayunman mas mabagal pa rin ito sa 7.7% na growth rate ng GDP ng bansa na naiatala sa kaparehong quarter noong 2022.
Tags: GDP, PH Economy
