(File photo from PCOO FB Page)
Inatasan ni Pangulong Rodrigo Duterte ang Department of Public Works and Highways (DPWH) na gumawa na ng isang disenyo para sa itatayong dedicated evacuation center sa mga lugar na madalas salantahin ng bagyo.
Sa command conference kahapon kasama ang kanyang mga gabinete sa provincial capitol ng Cagayan sa Tuguegarao City, sinabi ng Pangulo na madalas nagagamit ang mga eskwelahan bilang evacuation center na nakakaabala sa pag-aaral ng mga estudyante.
Ayon sa Pangulo, karamihan sa mga lugar na madalas binabayo ng malakas na bagyo ay ang mga nasa eastern part ng Pilipinas na nakaharap sa Pacific Ocean gaya ng Samar, Leyte at Bicol. Inalam rin personal ng Pangulo ang kalagayan ng buong Cagayan kahapon.
Sa litratong kuha ni Special Assistant to the President Sec. Bong Go, makikita na nagsagawa ng aerial inspection sa Tuguegarao ang Pangulo.
Natuwa umano ang Pangulo nang malaman na zero casualty sa buong probinsya ng Cagayan.
Iniugnay ng provincial government ang zero casualty sa maagang information dissemination sa buong lalawigan.
Hindi na rin anila nahirapan ang mga opisyal na palikasin ang mga residente bago dumating ang Bagyong Ompong.
Ipinahatid naman ng Pangulo ang kanyang pakikiramay sa ibang probinsya na nakapagtala ng casualty.
Sa huling ulat ng National Disaster Risk Reduction and Management Council (NDRRMC), umabot na sa dalawampu’t limang ang nasawi dahil sa Bagyong Ompong.
( Mon Jocson / UNTV Correspondent )
METRO MANILA – Siksikan na ang mga evacuee sa Tanauan City Gymnasium 2 sa Batangas kaya hindi na muna tinatanggap ang mga bago at karagdagang evacuees, sa halip ay inirerefer ang mga ito sa iba pang evacuation centers na mayroon pang bakante.
Ayon sa mga otoridad, ito ay upang hindi magkaroon ng matinding discomfort o masyadong mahirapan ang mga pamilya na nasa evacuation centers.
Nasa 330 pamilya o katumbas sa 1,507 na indibidwal ang pansamantalang nanunuluyan sa Tanauan City Gymnasium 2.
Bilang na minamantini na lamang ng City Social Welfare and Development Office. Nakakakain sila ng agahan, tanghalian, hapunan at dalawang miryenda.
Samantala, nilinaw naman ng DSWD na maaari pa ring kumuha ng relief goods ang mga evacuee na pansamantalang nanunuluyan sa kanilang mga kamag anak.
Kailangan lamang nilang makipag ugnayan sa kanilang tanggapan upang mabigyan ng kaukulang tulong.
“Kapag dumating sila dito bibigyan namin sila ng index card para sila ay maka avail noong mga ipinamimigay namin dito.” ani Tanauan City, Batangas City SWDO, Rebecca Havier.
Samanatala ayon sa Department of Health (DOH) 50-60% ng mga evacuee na nagpakonsulta sa kanila ay kinakitaan nila ng acute respiratory infection at hypertension dahil sa ashfall habang ang hypertension naman ay dulot ng stress bunsod ng pag eevacuate.
Tiniyak naman ng DOH na nakahanda ang lahat ng mga ospital sa Batangas na tumanggap ng mga pasyente.
(Vincent Arboleda | UNTV News)
Tags: Batangas, evacuation center
METRO MANILA – Patuloy na nananatili sa mga evacuation center ang libu-libong pamilya matapos ang magkakasunod na malakas na lindol noong nakaraang Linggo.
Sa tala ng National Disaster Risk Reduction and Management Council (NDRRMC), mahigit 5,000 pamilya o mahigit 28,000 indibidwal ang patuloy na kinukupkop sa mga itinalagang evacuation centers ng pamahalaan.
21 ang naitalang nasawi sa malakas na pagyanig, mahigit 400 ang sugatan at 2 ang patuloy na pinaghahanap ng mga otoridad. Samantala umabot naman sa mahigit 30,000 imprastraktura ang nasira dahil sa malakas na lindol.
Tags: evacuation center, NDRRMC
Taong 1991 nang tumama ang Bagyong Oring sa Bago City kung saan mahigit isang libong pamilyang nalagay sa panganib ang buhay ang inilikas. Kabilang dito si Lolo Eduardo Auenzo ng Barangay Bantayan.
Ayon kay Lolo Eduardo, umaabot noon hanggang dibdib ang tubig baha dahil sa walang tigil na pag-ulan at halos isang linggo bago humupa ang tubig. Isa lamang si Lolo Eduardo sa mga pamilya sa Barangay Lag-Asan na kadalasang inililikas sa mga paaralan, barangay hall o gymnasium kapag bumabaha o walang tigil ang ulan.
Kaya naman malaking tulong sa katulad niya ang bagong tayong Regional Evacuation Center sa Bago City dahil hindi na sila mahihirapan.
Ang bagong tayongRegional Evacuation Center ay kayang mag-accommodate ng halos limang daang pamilya. Mayroon itong kitchen and dining area, infirmary, operation center, male and female bathroom, powerhouse at ramps para sa persons with disability.
Naglagay na rin ng water tank, pump room, laundry area at material recovery facilities sa evacuation center. Tiniyak din ng DPWH na matibay ang pagkakatayo nito at nasa mataas na lugar kaya hindi papasukin ng baha.
Magtatayo rin dito ng warehouse para sa mga food at non-food items ng mga evacuees. Mag-aassign naman ng mga tauhan ng Office of the Civil Defense na siyang magbabantay at magmomonitor sa mga evacuee.
Ayon sa OCD, handa at maaari na itong gamitin anomang oras. Sa pamamagitan nito, hindi na mahihirapan ang mga evacuess na maghanap pa ng kanilang matutuluyan.
Samantala, maaliwalas pa rin ang panahon sa Negros Occidental kahit nasa ilalim ng signal no. 1 na ang buong probinsya dahil sa Bagyong Samuel.
Kanselado na rin ang pasok sa pre-school to elementary sa ilang mga pampubliko at pribadong eskwelahan.
Hindi na rin pinapayagan ng Philippine Coast Guard (PCG) na maglayag ang mga sasakyang pandagat upang masiguro ang kaligtasan ng mga pasahero at mangingisda.
( Lalaine Moreno / UNTV Correspondent )
