DENR Warriors wagi sa Game 1 ng Best of 3 series ng UNTV Cup Season 8 finals

by Erika Endraca | March 4, 2020 (Wednesday) | 3639

METRO MANILA – Hindi nakaporma ang defending champion AFP Cavaliers sa inihandang mga bala ng rookie team DENR Warriors sa kanilang bakbakan sa game 1 ng best of 3 Championship series ng UNTV Cup Season 8 sa Paco Arena sa Maynila.

Mula umpisa hanggang sa matapos ay kontrolado ng Warriors ang ball game.

Sa first quarter, kaagad binomba ng 6 na 3 points shot ng DENR ang AFP upang ilista ang 28-17 advantage.

Sa second quarter nanatili sa warriors ang momentum ng ballgame sa score na  43-34

Pagpasok 3rd quarter naibaba ng AFP sa 5 puntos ang abante ng DENR.

Pero bumuwelta agad ang warriors upang iakyat sa 11 puntos ang kanilang kalamangan, sa score na 54-65

Lomobo pa sa 19 na puntos ang abante ng DENR sa AFP sa unang minuto ng last quarter.

Pinilit na makahabol ng Cavaliers at naibaba sa 9 na puntos ang abante ng DENR makalipas ang 5 minuto.

Subalit sadyang napaghandaan ng Warriors ang Cavaliers at mabilis na nakapag aadjust ang koponan ni Coach Norlito Eneran. Nagtapos ang laban sa score na 90-73

Samantala full support naman ang mga empleyado ng Department of Natural Resources (DENR) sa kanilang koponan, sa pangunguna nina Secretary Roy Cimatu, Undersecretary Ernesto Adobo at Undersecretary Benny Antiporda.

Share and Enjoy !

0Shares
0 0 0

Tags: