METRO MANILA – Mananatili pa rin sa April 26 ang deadline para sa SIM registration.

Sa opisyal na pahayag na inilabas ng Department of Information and Communications Technology (DICT), sinabi ng ahensya na natanggap na nila ang request mula sa public telecommunication entities na humihiling na palawigin ang pagpaparehistro ng SIM card.

Gayunman sinabi ng DICT na sa ngayon ay walang planong i-extend ang SIM registration, at hinihikayat ang ating mga kababayan na magparehistro na hanggang sa April 26.

Muling ipinaliwanag ng ahensya na layon ng SIM registration law na masawata ang paglanap ng mga scam sa pamamagitan ng sim card at agad na ma-track ng mga otoridad kung sinoman ang gumagawa ng mga ganitong iligal na gawain.

Tags: DICT, SIM Registration