Ipinagtanggol naman ng Department of National Defense ang mga sundalo sa harap ng mga ipinakakalat na maling balita ng ilang makakaliwang grupo hinggil sa pang aabuso ng mga sundalo sa kababaihan sa Marawi City.
Ayon kay Sec. Delfin Lorenzana, nakataya ang buhay ng mga sundalo sa ginagawang pakikipagbakbakan sa mga terorista kayat malabong mang abuso pa ng mga ito.
Dagdag pa ng kalihim, sumailalim sa gender sensitivity training ang mga sundalo at maging sa tamang pagrespeto sa karapatang pantao.
Kaya naman tinawag ng kalihim na isang propaganda na nais lamang maghatid ng takot sa komunidad ang ginagawang pagpapakalat ng balita ng grupo.
Tags: DND, Marawi City, Sec. Lorenzana
METRO MANILA – Kinumpirma kahapon June 13, ng Presidential Anti-Organized Crime Commission (PAOCC) ang operasyon ng mga Philippine Offshore Gaming Operators (POGO) malapit sa mga itinatalagang Enhanced Defense Cooperation Agreement (EDCA) sites.
Ayon kay PAOCC Spokesperson John Casio, iniimbestigahan na rin nila ang mga ito sa kasalukuyan.
Nauna nang sinabi ni Defense Secretary Gibo Teodoro na nababahala siya sa operasyon ng mga POGO malapit sa EDCA sites kaya’t dapat aniya itong maipatigil.
Umaasa naman ang PAOCC na makikipagtulungan sa Department of National Defense (DND) ang Philippine Amusement and Gaming Corporation (PAGCOR) at iba pang mga ahensya upang matugunan ang nasabing isyu.
METRO MANILA – Patuloy na tinututukan ni Pangulong Ferdinand Marcos Jr. ang pagpasok sa bansa ng Super Typhoon Mawar.
Ayon sa pangulo, pinaghahandaan na rin ng pamahalaan ang magiging epekto nito hindi lamang sa hilagang bahagi ng bansa, kundi sa lahat ng lugar na posibleng maapektuhan ng bagyo.
Nakipagpulong si PBBM kay Department of National Defense (DND) Officer-In-Charge Undersecretary Carlito Galvez at siniguro ng pangulo na naka-preposition ang pondo at foods packs.
Maging ang response team aniya ay naka-antabay na at handa na ang mga lokal na pamahalaan sa mga lugar na tatamaan ng bagyo.
Tags: DND, PBBM, Super Typhoon Mawar
METRO MANILA – Kasalukuyang tinatalakay ng Department of National Defense at Department of Education (DepEd) ang magiging bagong programa ng mandatory ROTC.
Ayon kay DND Officer-In-Charge Usec. Jose Faustino Jr., wala pang nakikita ang ahensya na mayroong nakaambang banta sa Pilipinas, ngunit dapat pa ring maging handa ang bansa.
Sa ilalim ng bagong ROTC program na ipinrisinta ng DND sa DepEd, tuturuan ang mga estudyante sa Grade 11 at 12 ng kasaysayan upang mamulat sila sa patriotismo at sa pagiging mabuting mamamayan.
Kasama rin na ituturo sa bagong ROTC program ang drug awareness, traffic rules at military history.
Saka lang aniya magkakaroon ng military training sa kolehiyo at dapat aniyang desidido muna ang estudyante na sumabak sa nasabing pagsasanay at pumasok sa hanay ng sandatahang lakas.
Iginiit din ng opisyal na hindi kasama rito ang Grades 11 at 12.
Isa ang mandatory ROTC sa prayoridad ng Marcos administration. Sa State of the Nation Address ni Pangulong Ferdinand Marcos Jr. nitong Hulyo, isinama nito ang mandatory ROTC sa kaniyang priority legislations.
Nilinaw naman ni Usec. Faustino na sisiguraduhin nilang magiging maayos ang implementasyon ng mandatory ROTC upang walang pang-aabuso na mangyari, na siya naman naging dahilan ng pagka-abolish nito noong 2001.
(Aileen Cerrudo | UNTV News)
