DOLE, naglabas ng pay rules para sa Abril 2, 3 at 4

by monaliza | April 1, 2015 (Wednesday) | 1356
Photo credit: UNTV News

Photo credit: UNTV News

Naglabas ng abiso ang Department of Labor and Employment hinggil sa pay guidelines ng mga manggagawa sa pribadong sektor para sa long holiday.

Sakop ng pay guidelines ang Abril 2, 3 na pawang mga regular holiday at Abril 4 na isang special non-working holiday.

Sa ipinalabas na Labor Advisory no.18 na may petsang Marso 25, ang pay rules para sa Abril 2 at 3 ay ang mga sumusunod:

Kapag hindi pumasok ang isang empleyado, babayaran ito ng 100% ng kanyang sweldo sa araw na yaon [(Daily rate + COLA) x 100%]

Kapag pumasok naman ang empleyado, babayaran ito ng 200% ng kaniyang regular na sahod para sa unang walong oras [(Daily rate + COLA) x 200%]

Kapag nagovertime naman, babayaran ito ng karagdagang 30% ng kanyang hourly rate [(Daily rate + COLA) x 200%] + [30% (Daily rate x 200%)]

Kapag pumasok naman ang isang empleyado sa regular holiday na nataon na ito rin ang araw ng kanyang pahinga, babayaran ito ng karagdagang 30%
[(Daily rate + COLA) x 200%] + [30% (Daily rate x 200%]

At kapag nagovertime naman ang isang manggagawa sa kaparehong sirkumstansya, babayaran ito ng karagdagang 30% sa kanyang kada oras na trabaho.

Samantala, sa Abril 4 na isang special-non working holiday, ipatutupad naman ang “no work, no pay” policy maliban na lamang kung may mga kondisyon na nakapaloob sa company policy o collective bargaining agreement na pabor sa mga empleyado.

Kapag pumasok ang isang empleyado, babayaran ito ng karagdagang 30% ng kaniyang arawang sahod batay sa unang walong oras na trabaho [(Daily rate x 1.3) + COLA]

Kapag nagovertime work ang isang manggagawa, at nataon din na ito rin ang kanyang rest day, babayaran ito ng karagdagang 30% ng kanyang hourly rate.

Ang pay rules na ito ay alinsunod sa Proclamation No. 831 na nilagdaan ni Pangulong Benigno Aquino III noong Hulyo 17, 2014

Share and Enjoy !

0Shares
0 0

Tags: , , ,