DOT-8, pinaghahandaan na ang pagbubukas ng Golden River Cruise sa Basey, Samar

by Radyo La Verdad | March 31, 2022 (Thursday) | 1141

Nagsimula nang magsanay ang Department of Tourism sa 29 na mga Samarnon mula sa Basey, Samar para sa pagbubukas ng ahensya sa Basey Golden River Cruise.

Ang Golden River Cruise ng Basey ay isang 19-kilometer flowing watercourse na dating isang nautical highway ng lalawigan at kung saan isa ang Sohoton River sa mga tributaries nito.

Ang nasabing river cruise program ng DOH ay upang mas mapalakas ang economic development sa Basey, Samar at upang matulungan ang mga komunidad nito na makapaghanap-buhay.

Nasasakupan ng 15 barangay ang ilog na dadaanan ng cruise kaya’t malaki ang maitutulong nito sa mga komunidad maging sa pagunlad ng ekonomiya sa probinsya.

Magsisimula ang Basey Golden river Cruise sa Brgy Binungtuan at Brgy Burgos para sa isang cultutal showcase kung saan magkakaroon ng pagkakataon ang mga turista na matutunan ang tradisyonal na sayaw ng rehiyon na kuracha. Kasunod naman nito ay ang Brgy Del Pilar kung saan makikita at matitikman kung papaano ginagawa ang ipinagmamalaking tuba ng mga waray.

Kasama din sa mapupuntahan ng mga turista na sasama sa nasabing cruise ang Saob Cave na isa sa mga tourist spot sa lalawigan at makilala ang mga katutubong tribu mamanwa na nakatira sa bayan ng Basey.

Bagama’t wala pang binibigay na target date ang DOT kung kailan magsisimula ang nasabing cruise, patuloy naman ang ginagawa nitong pagsasanay at pagsasaayos ng mga kinakailangan para sa mas magandang turismo ng Basey.

(Syrix Remanes | La Verdad Correspondent)