Isa sa mga mitigating measure ng economic managers ng pamahalaan laban sa high inflation o ang mabilis na antas ng pagtaas ng presyo ng mga bilihin sa bansa ang pagkakaroon ng direktiba ng punong ehekutibo.
Layon ng direktibang ito na gawing simple ang pag-proseso ng importation o pag-aangkat ng pagkain mula sa ibang bansa. Kabilang na rito ang mga produktong isda, karne, bigas, asukal at gulay.
Ayon kay Presidential Spokesperson Harry Roque, nakatakdang isumite ng economic managers ang isang draft executive order sa tanggapan ni Pangulong Rodrigo Duterte ukol dito.
Samantala, inihayag naman ng Department of Trade and Industry (DTI) ang ginawa nitong paghikayat sa mga manufacturing companies na huwag magtaas ng presyo sa mga basic necessities at prime commodities sa susunod na tatlong buwan.
Kabilang dito ang mga produktong canned sardines, canned meat, kape, gatas, instant noodles, tinapay at iba.
Samantala, wala pang inilalagay na kapalit si Pangulong Duterte sa nagbitiw na administrator ng National Food Authority (NFA) na si Jason Aquino.
Hindi naman inaalis ng Malacañang ang posibilidad na sampahan ng reklamo si Aquino hinggil sa kinaharap na suliranin sa suplay at presyo ng bigas sa bansa.
( Rosalie Coz / UNTV Correspondent )
METRO MANILA – Tiniyak ng National Food Authority (NFA) na sapat ang supply na bigas para sa La Niña.
Sa ulat ng NFA, triple ang dami ng rice buffer stock sa pamamagitan ng bagong pricing scheme.
Ayon kay NFA Administrator Larry Lacson, nasa 2.8-M sako ng palay ang nasa bodega ng NFA at na nasa mataas na buying price range na P17 – P23 kada kilo ng sariwa o basang palay at mula P23 – P30 naman ang kada kilo ng malinis at tuyong palay.
Dagdag pa ni Lacson, sapat naman aniya ang stock na bigas mula sa 126,000 metric tons ng milled rice at patuloy pa itong nadaragdaga upang masiguro ang 300,000 metric tons na rice buffer stock na target ng ahensya para sa nagbabantang La Niña phenomenon.
Nakikipagugnayan naman ang NFA sa Department of Agriculture (DA), gayon din sa PhilMech, pribadong sektor at mga non-profit organization para makakuha ng mga drying facility para sa wet harvest season.
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
