Matapos maipasa sa mababang kapulungan ng Kongreso ang panukalang batas upang gawing legal ang operasyon ng mga motorcycle taxi, at habang hinihintay ang bersyon ng Senado sa panukalang ito, gumagawa na rin ng draft implementing rules and regulations ang Department of Transportation (DOTr).
Ayon kay DOTr Road Transport and Infrastructure Usec. Mark de Leon, isinasapinal na nila ang mga isyu sa paggamit ng motorcycle taxi, gaya ng kung saang mga kalsada ito papayagang dumaan, speed limit, insurance, at training ng mga driver.
“Kapag pumasa ang law, nandiyan na agad, ready na agad ang ating IRR,” ani de Leon.
Samantala, tila natatagalan naman ang House Committee on Metro Manila Development sa takbo ng proseso kaya nais ng mga kongresista na maglabas ng Department Order ang ahensya para magsagawa ng pilot testing sa Metro Manila.
“If we are going to wait for the bill, we have to wait for the next congress re-file it, matatagalan tayo masyado,” sabi ni 3rd Dist. Negros Oriental Rep. Arnulfo Teves.
Pero ayon sa mga opisyal ng ahensya, tali ang kanilang kamay sa kung ano ang sinasabi ng batas.
“We are legally bound by Section 7, which says that private motorcycles are not a mode of public land transportation,” giit ni Land Transportation and Franchising Regulatory Board (LTFRB) Executive Director Atty. Samuel Jardin.
Hiniling naman ng angkas na isali sila sa isasagawang pilot testing.
“We really submit that we can use Angkas as test case to see if these regulations are really working for common good,” ani George Royeca, Head ng Regulatory and Public Affairs ng Angkas.
(Grace Casin | UNTV News)
Tags: Angkas, motorcycle taxi
METRO MANILA – Pinalawig pa ng pamahalaan sa 3 buwan ang isinasagawang pilot test run para sa motorcycle ride hailing service na Angkas.
Bukod sa angkas, 2 pang bagong kumpanya ng motorcycle taxis ang pinayagan na rin ng binuong technical working group ng Department Of Transportation (DOTr), na makakasama rin sa pilot test run.
Kabilang sa mga bagong motorcycle taxis ang Joyride PH at ang Move It.
Sa pahayag na inilabas ng Land Transportation Franchising and Regulatory Board (LTFRB) na siyang nangunguna sa mga ahensya sumusuri sa operasyon ng motorcycle taxis..
Minabuti nilang palawigin pa ang pilot test run upang magkaroon ng mas mahaba pang panahon upang mapagaralan kung papayagan ang lehitimong operasyon ng mga ito bilang pampublikong transportasyon.
Magsisimula ang test run para sa 3 motorcycle taxis Ngayong araw (Dec. 23) at tatagal hanggang March 23.
Kaugnay nito, nagsagawa ng unity ride Kahapon (Dec. 22) ang libo-libong Angkas riders, upang kondenahin ang umano’y paglilimita ng LTFRB sa bilang ng mga motorcycle taxis na papayagang makapasada sa mga kalsada.
Sinasabing nasa 39,000 na motorcycle taxis na lamang sa kabuoan ang papayagan ng pamahalaan na makapag-operate.
Lumalabas na kada kumpanya ng motorcyle taxis ay lilimitahan lamang na tig-13,000 riders. Tig-10,000 sa Metro Manila, habang tig-3,000 naman sa Cebu.
Ito’y dahil tatamaan nito ang halos 17,000 rider na sinasabing mawawalan ng trabaho sa bagong polisiya.
Sa isang panibagong statement, pinabulaanan ng LTFRB ang pahayag ng Angkas, ngunit hindi na nilinaw ng ahensya ang ukol sa umano’y paglalagay cap sa mga motorcycle taxis.
Sa ngayon ay wala pa ring naipapasang batas ang Kongreso, kaugnay sa pagsasaligal ng operasyon ng mga motorycle taxis sa bansa.
Sa ilalim ng umiiral na batas, ipinagbabawal ang paggamit ng mga sasakyang may 2 gulong gaya ng motorsiklo bilang pampublikong sasakyan.
(Joan Nano | UNTV News)
Tags: Angkas, motorcycle taxis
Naghain ng petisyon ngayong araw, Dec. 9, 2019 sa Quezon City Regional Trial Court ang grupong Lawyers for Commuter Safety and Protection na humihiling na ipatigil ang operasyon ng limang kumpanya ng motorcycle taxis.
Kabilang sa mga ito ang We Move Things Philippines Incorporated o Joyride, Habal Rides Corporation, I-sabay, Sampay-Dala Corporation at Trans-serve Corporation.
Ayon sa grupo, pawang mga colorum ang operasyon ng naturang mga motorycle taxis na tinatangkilik na ng maraming mga pasahero.
Giit ni Attorney Raymond Fortun, lubhang delikado kung patuloy na papasada ang mga ito dahil walang hindi dumaan sa training ang mga rider nito at walang ring isnurance ang mga pasahero nito.
“All of them obviously are not being regulated with regard to certain standards, ano po yang standards na yan? Ultimong minimum na training para dun sa mga motorcycle riders nila wala pong supervision, kung yan po ay merong tamang helmets para dun sa rider as well as commuter wala pong supervision, hindi sila nakikipag coordinate with regards to possible insurance,” ani Atty. Raymond Fortun, Member, Lcsp.
Nilinaw ng grupo na hindi sila tutol sa pagkakaroon ng kompetisyon sa kabila ng pagsusulong na ipahinto ang operasyon ng iba pang motorcycle taxis.
“Linawin lang natin na hindi kami against sa competition. We are pushing for competition dahil importante na regulate itong mga motorcycle taxis,” ayon kay Atty. Vicente Topacio, Secretary General, ICSP.
Nauna nang sinabi ng Land Transportation Franchising and Regulatory Board na may 6 pang kumpanya ng motorcycle taxis ang nagpahayag ng kanilang interes na makapag operate sa Pilipinas at sumailalim rin sa pilot testing tulad ng Angkas.
Samantala nakatakda namang matapos sa December 26 ang pilot testing ng Angkas.
Sa ngayon ay hinihintay pa ng Department of Transportation ang pinal na ulat mula sa technical working group kaugnay sa resulta ng anim na buwang pilot testing. Dito matutukoy kung posible nang payagan ang ligal na operasyon ng mga motorcycle taxis sa bansa kaakibat ang pagpapasa ng Kongreso ng batas ukol dito.
(Joan Nano | UNTV News)
Tags: Angkas, habal-habal, Joyride, Motrocycle taxi, Samapa-dala Corporation
METRO MANILA, Philippines – Matatapos na sa Disyembre ang 6 na Buwang pilot trial run na ibinigay ng Department of Transportation(DOTr) sa motorcycle ride hailing service na Angkas. Layon nito na matukoy ng pamahalaan kung maari na nga bang payagan ang operasyon ng mga motorycle taxi sa bansa.
Ayon kay DOTr Undersecretary for Road Transport Mark De Leon, sa ngayon ay on-going ang kanilang evaluation sa operasyon ng Angkas. At hindi nila pinapayagan ang pagpasok ng mga bagong motorcycle taxi sa Pilipinas.
Ngunit sa kabila nito, isang bagong motorcycle taxi ang nakatakdang umarangkada sa bansa na magiging kakumpitensya ng Angkas. Ito ay ang Joy Ride PH. Sa kanilang official facebook page, Setyembre pa ng magsimulang tumanggap ang Joy Ride PH ng mga driver-operator na nais pumasok sa kanilang platform.
Ayon pa sa management nito, nasa P1,500 ang arawang sweldo dito ng mga driver. Ngunit hindi pa idinedetalye kung kailan ito opisyal na ilulunsad sa bansa. Ayon sa DOTr ang anomang operasyon ng mga pampublikong sasakyan na hindi pinahihintulutan ng pamahalaan ay maituturing na kolorum.
Sa ilalim ng batas,maaring patawan ng libo-libong multa ang mga mahuhuling kolorum na sasakyan. Paliwanag ng DOTr, nauunawaan nila ang pangangailangan sa maayos at kumbinyenteng transportasyon para sa ating mga kababayan. Ngunit igiinit rin nito ang importansya ng pagsasaalang-alang ng kalistasan ng mga mananakay.
(Joan Nano | UNTV News)
Tags: DOTr, motorcycle taxi
