METRO MANILA – Inilaan ng Department of Social Welfare and Development (DSWD) ang P500-M para sa educational assistance ng mga estudyanteng mahihirap sa Pilipinas.
Ito ay sa ilalim ng assistance to individuals in crisis situation program ng ahensya.
Ang lahat ng kwalipikadong estudyante ay makatatanggap ng P1,000 para sa elementary student. P2,000 sa high school, P3,000 sa senior high school at P4,000 para sa papasok sa college o vocational course.
Hanggang 3 estudyante sa 1 pamilya ang maaaring makakuha ng ayuda.
Ayon kay DSWD Secretary Erwin Tulfo, pwedeng ang magulang ng elementary students ang kumuha ng ayuda basta’t magdala lamang ng Certificate of Enrollment (COE) at school ID ng bata.
Dagdag pa ng kalihim, sa main office ng DSWD o mga satellite office ng ahensya sa mga probinsya na maaaring makuha ang assistance o maaaring magtanong sa kanilang mga municipal office.
Umaasa si Secretary Tulfo na tanging mahihirap lamang sana ang kukuha ng ayuda para sa mga kanilang school supplies, uniform o dagdag pang tuition.
Nagbabala rin ang kalihim sa mga nagsusumite ng mga pekeng dokumento para lamang makakuha ng ayuda sa DSWD.
(Nel Maribojoc | UNTV News)
Tags: DSWD, Educational Assistance
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Nanawagan ang Department of Social Welfare and Development (DSWD) sa publiko na wakasan na ang child labor.
Ayon kay Maribel Barcenas isang shield against child labor national focal ng DSWD, paigtingin ng kagawaran ang kampanya laban sa child labor sa pamamagitan ng pagpapatuad ng komprehensibong programa para sa mga kabataang Pilipino.
Hinihikayat din ang bawat Pilipino na bigyan ang bawat bata ng karapatan na mabuhay nang malaya at ligtas mula sa anomang uri ng child labor.
Tags: Child Labor, DSWD
