METRO MANILA – Libu-libo ang napilitang lumikas dahil sa pagbaha na dulot ng bagyong Ulysses.
Ayon kay Department of Social Welfare and Development (DSWD) Spokesperson irene dumlao, bilang tulong sa mga lokal na pamahalaan na labis na naapektuhan ng bagyo.
Nagpadala na ng 2,000 family food packs at 400 na sleeping kits ang ahensya para sa Marikina City. 1,000 family food packs at 250 sleeping kits naman ang ipinadala sa Quezon City.
Dagdag pa rito, nagpadala na rin ang ahensya ng mga family food packs sa Cardona Rizal at San Narciso sa Quezon.
Ayon sa DSWD, mayroon silang nasa P800-M halaga ng mga stockpiles o relief goods at standby fund para maipandagdag sa pangangailangan ng mga lokal na pamahalaang naapektuhan ng bagyo.
Patuloy din ang pakikipag ugnayan ng DSWD sa mga Local Social Welfare and Development officers sa mga LGU at mga Camp Managers o mga nagbabantay sa mga evacuation centers.
“Tayo rin po ay gumagabay sa mga Local Government Units upang matiyak na ‘yung kanilang pag manage sa mga evacuation center ay sumusunod po sa ating panuntunan.”ani DSWD Spokesperson, Dir. Irene Dumlao.
Ayon kay Dumlao, nagsasagawa na rin na profiling ang mga ito para sa mga temporarily displaced individuals o mga evacuee upang masiguro na lahat ng pamilya ay makatatanggap ng tulong mula sa pamahalaan.
“Makakaasa po ang ating mga lokal government unit, ang ating mga kababayan that the DSWD will continue to provide a maagap at mapagkalingang serbisyo.” ani DSWD Spokesperson, Dir. Irene Dumlao.
(Vincent Arboleda | UNTV News)
Tags: Bagyong Ulysses, DSWD
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Nanawagan ang Department of Social Welfare and Development (DSWD) sa publiko na wakasan na ang child labor.
Ayon kay Maribel Barcenas isang shield against child labor national focal ng DSWD, paigtingin ng kagawaran ang kampanya laban sa child labor sa pamamagitan ng pagpapatuad ng komprehensibong programa para sa mga kabataang Pilipino.
Hinihikayat din ang bawat Pilipino na bigyan ang bawat bata ng karapatan na mabuhay nang malaya at ligtas mula sa anomang uri ng child labor.
Tags: Child Labor, DSWD
