Naginspeksyon kaninang umaga ang Department of Trade and Industry (DTI) at Food and Drugs Authority (FDA) sa mga presyo at toxicity level ng school supplies sa Recto at Binondo sa Maynila.
Pasado naman sa safety standards ang mga krayolang ininspeksyon ng FDA.
Ilan naman sa mga seller ay nasita ng DTI dahil sobra ang presyo ng kanilang produkto ng 25 centavos. Agad namang pinalitan ng DTI ang mga presyo ng mga produktong ito.
Naglabas din ang kagawaran ng suggested retail price o SRP na maaaring gamiting basehan ng mga consumer sa kanilang pamimili.
Ayon kay DTI Undersecretary Vic Dimagiba, maaaring ireklamo ng mga konsyumer ang mga retailer na nagbebenta ng kanilang produkto na lalagpas sa SRP.
Dagdag pa nya, bago magpasukan ay muling magiinspeksyon ang DTI para siguraduhin ang safety standards at presyo ng mga school supply.(Macky Libradilla/UNTV Radio)
Tags: DTI, FDA, Gregory Domingo, Vic Dimagiba
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
