METRO MANILA – Target ng Duterte Administration 6-7% na Economic Growth ngayong taon. Batay sa datos ng Philippine Statistics Authority (PSA), 5.6 percent ang growth rate sa 1st Quarter ngayong taon samantalang 5.5 percent naman noong second quarter.
Una nang nabanggit ng pamahalaan na dahil sa pagkaantala sa pagpasa ng 2019 national budget gayundin ang nagdaang midterm elections kaya mas mababa ang naging spending ng gobyerno.
Bagaman hindi pa inilalabas ng PSA ang ulat hinggil sa 3rd Quarter GDP growth, kumpyansa si Finance Secretary Carlos Dominguez na mas maigi ito kumpara sa naunang 2 Quarter.
Dahil dito, positibo pa rin ang pananaw ng Duterte administration na maabot ng bansa ang target band sa economic growth ng bansa. 6.5% ang dapat na maging GDP growth bansa sa huling 2 Quarters para maabot ang lower end target.
(Rosalie Coz | UNTV News)
Tags: Duterte administration
METRO MANILA – Hindi ang mga naipatayong imprastraktura o kaya ay ang halaga ng pondong ginastos ng pamahalaan ang batayan sa naging liderato ni Pangulong Rodrigo Duterte sa nakalipas na mga taon.
Ayon kay Executive Secretary Salvador Medialdea, ito ay nakadepende sa uri ng pagbabagong naihatid ng paglilingkod sa buhay ng mga Pilipino.
Ginawa nito ang pahayag sa day 1 ng Duterte Legacy Summit ng gabinete ng presidente, 1 buwan bago tuluyang lisanin ng pangulo ang palasyo sa June 30, 2022.
Kinilala rin nito ang naging bahagi ng lahat ng mga kawani ng gobyerno sa pagbabago na mararamdaman maging ng paparating na mga henerasyon.
Samantala, ilang Pilipino naman ang nagbahagi ng kanilang pananaw sa mga partikular na programang isinulong ng administrasyong Duterte na tumatak sa kanila at nakaapekto sa kanilang mga pamumuhay.
Partikular na sa usapin sa paglaban sa iligal na droga at mga proyektong imprastraktura.
Hiling din nila na maipagpatuloy sana ang mga ito ni President-elect Bongbong Marcos Junior.
Tinanong naman si Sec. Medialdea sa plano ng presidente pagkatapos ng kaniyang termino sa katapusan ng Hunyo.
Nabanggit ng opisyal na plano ng outgoing president na magturo sa Davao.
Patapos na rin aniya itong mag-empake ng kaniyang gamit sa Malacanang.
Sa isyu naman ng pagiging anti-drug czar, wala pa umanong natatanggap na pormal na alok ang presidente mula sa incoming president-elect BBM subalit hindi nito batid kung ano ang magiging desisyon ng punong ehekutibo kaugnay ng isyu.
(Rosalie Coz | UNTV News)
Tags: Duterte administration
METRO MANILA – Mahigit 2 buwan na lamang ang nalalabi sa termino ni Pangulong Rodrigo Duterte bago tuluyang bumaba sa pwesto sa June 30, 2022.
Subalit ayon sa administrasyong Duterte, magpapatuloy sa maigting na pagta-trabaho ang gobyerno upang mailipat sa susunod na mamumuno ng bansa ang inclusive at sustainable na paglago ng ekonomiya.
Ginawa ng palace official ang pahayag matapos pumalo sa 4% ng inflation rate sa bansa noong March 2022 kasunod ng tuloy-tuloy na oil price hikes.
Mas mataas ito sa three percent inflation rate noong February 2022 subalit bahagyang mas mababa noong March 2021.
Pangunahing dahilan ang pagtaas ang presyo ng pagkain at energy costs.
Ayon naman kay Acting Presidential Spokesperson at Communications Secretary Martin Andanar, nakatutok ang economic managers sa usapin ng inflation.
Dagdag pa nito, hindi magre-relax at bagkus ay magdodoble-kayod ang ang pamahalaan upang matugunan ang pagtaas ng presyo ng mga bilihin at serbisyo.
Ayon naman sa National Economic and Development Authority (NEDA), may mga nakahanda nang hakbang ang pamahalaan upang tulungan ang pinaka-apektadong sektor.
Target din ng gobyernong mapasailalim na sa COVID-19 alert level 1 ang buong bansa upang maibsan ang epekto ng inflation.
Samantala, naniniwala naman si Executive Secretary Medialdea, pansamantala lamang ang epekto ng pandemiya sa tuloy-tuloy na sanang pagsulong ekonomiya ng bansa dahil sa economic policies na naisulong na sa ilalim ng Duterte administration bago pa man ang pandemic.
(Rosalie Coz | UNTV News)
Tags: Duterte administration, inflation
METRO MANILA – Mayroong inilatag na mga hakbang ang economic team ng Duterte administration upang ibsan ang epekto ng Russia-Ukraine war at pagtaas ng presyo ng produktong petrolyo.
Gayunman, ayon kay Trade Secretary Ramon Lopez, hindi kabilang sa pinag-usapan ang pagkakaroon ng temporary suspension ng taxes sa mga piling petroleum products.
Kasunod ito ng panukala ng ilang mambabatas na suspindihin muna ang partikular na ipinapataw na buwis sa krudo.
“The way to do this, hindi pinag-uusapan at least in our eco-cluster, hindi pinag-usapan yung excise tax o value added tax kasi nga ito ang pagkukuhanan natin ng resources, ng pondo, para dito sa number 1 sa fuel subsidy na dinoble pa, from 2.5 billion to 5 billion pesos para sa public utility vehicles, mga jeep” ani DTI Sec. Ramon Lopez.
Ayon naman kay Acting Budget Secretary Tina Rose Canda, kailangang pag-aralang mabuti ang panukala lalo na’t mas maraming programa ng pamahalaan ang maaapektuhan kung magpapatupad ng tax cuts.
Samantala, pinag-aaralan na ng palasyo ang panawagang pagdedeklara ng State of Economic Emergency.
“Ito ay masusing pag-aaralan ng palasyo sa pamamagitan ng office of the executive secretary at nagpresenta nga kagabi ang economic team ni pangulo ng proposed government interventions kaya tingnan natin kung ang mga ito ay sapat na.” ani Acting Presidential Spokesperson/ PCOO Sec. Martin Andanar.
Sa kasalukuyan, maigting na mino-monitor ng pamahalaan ang sitwasyon sa Ukraine.
Ayon kay Sec. Martin Andanar, may mga partikular na sitwasyon na posibleng magbigay-daan sa pagdedeklara ng State of Economic Emergency gaya ng isang full-blown o world war.
Ang mga katulad na isyu, kailangang pag-usapang mabuti ng gabinete ni Pangulong Duterte.
“It will require the full cabinet and it will require the security cluster, the economic cluster to convene on this. And of course, the president will be the one who would chair this meeting” ani Acting Presidential Spokesperson/ PCOO Sec. Martin Andanar.
(Rosalie Coz | UNTV News)
Tags: Duterte administration, Economic Team, Fuel Tax, oil price hike, suspension
