Opisyal nang idineklara kahapon ng Partido Demokratikong Pilipino-Laban (PDP-Laban) sina Davao City Mayor Rodrigo Duterte at Sen. Alan Peter Cayetano bilang presidential at vice-presidential candidates sa 2016 elections.
Pinangunahan ni PDP-Laban president Sen. Aquilino Pimentel III ang proklamasyon sa gitna ng mga opisyal ng PDP Laban at mga supporter nina Duterte at Cayetano sa isang function room sa Century Park Hotel sa Manila.
Sa kanyang talumpati ay inihayag ni Duterte na pangunahing niyang isusulong ang pederalismo sapagkat ito aniya ang magbibigay ng kapayapaan sa Mindanao.
Pahayag ni Duterte, “I am telling you now, nothing short of a federal structure would give Mindanao peace. Believe me, because I come from that place”.
Kasabay nito ay hiniling din ni Duterte ang suporta para sa kanyang running mate na si Cayetano.
Aniya, “If you will not vote for Alan, don’t vote for me”.
