Sasabak sa presidential race si Davao City Mayor Rodrigo Duterte dahil sa pagbasura ng Senate Electoral Tribunal (SET) sa disqualification case laban kay Sen. Grace Poe.

Pahayag ni Duterte, “I am running for President because I am so disappointed with the ruling of the Senate Electoral Tribunal”.

Ayon sa alkalde, handa na siyang kumandidato sa pagka-pangulo dahil hindi niya matatanggap na isang American president ang mamumuno sa bansa.

Sinasabing si Sen. Alan Peter Cayetano ang magiging ka-tandem ni Duterte.

Kaugnay nito, ipinahayag ng kampo ni Sen. Poe na welcome sa kanila ang posibleng pagtakbo ni Mayor Duterte bagamat ikinalulungkot nila ang paniniwala nito na hindi isang natural-born Filipino citizen ang senadora.