Bigo si House Speaker Feliciano Belmonte Jr. na isalang sa botohan kagabi ang panukala niyang Economic Cha-Cha bagamat may korum.
Upang maipasa ang resolusyon sa 3rd and final reading nangangailan ito ng ¾ o 217 votes.
Bagama’t nasa 267 ang mga mambabatas na dumalo sa huling araw ng sesyon, marami aniya ang tumutol dito.
Gaya na lang ng ilan sa kanyang mga kasamahan sa Liberal party at maging kanyang mga kaibigan sa kongreso.
Samantala, patuloy namang magbabantay ang mga kongresistang miyembro ng Makabayan Bloc sa pagsusulong ng Economic Cha-Cha sa kongreso.
Iginigiit pa rin ni Bayan Muna Party-list Rep. Neri Colmenares na hindi maaaring mag-mayari ng malalaking lupain at negosyo ang mga foreign investors dahil ito ang magpapahirap sa mga manggagawang Pilipino.
Una nang sinabi ng Malakanyang na sa kasalukuyan ay hindi ikinokonsidera ng administrasyon ang pag-amiyenda sa economic provisions ng konsitusyon upang mapaunlad ang ekonomiya ng bansa.
Tags: Bayan Muna Party-list Rep. Neri Colmenares, House Speaker Feliciano Belmonte JR
Manila, Philippines – Naghain ng petisyon ang grupong bayan muna upang himukin ang Korte Suprema na ideklerang ilegal at walang bisa ang pangongolekta ng meralco ng bill deposit sa sa mga consumer.
Ang bill deposit ay garantiya na mababayaran ang buwanang konsumo sa kuryente. Tulad ito ng konsepto sa deposito para sa upa ng bahay.
Ang halaga nito ay katumbas ng isang buwang bill ng consumer. Ayon sa mga petitioner, hindi bababa sa 29-Billion pesos ang nakolektang bill deposit ng meralco.
Bukod dito, nasa 2.1 Billion pesos na umano ang interes ng bill deposits mula 2018 hanggang 2019. Tanong ng mga petitioner, para saan ba talaga ito?
“Bakit ka maniningil ng bill deposit eh kung hindi makabayad iyong consumer pinuputulan mo naman iyan eh napipilitan ka magbayad iyong interes nito na bilyun bilyong piso ha eh hindi nababalik” ani Former Bayan Muna Partylist Representative Neri Colmenares.
‘Kayat hiling nila sa Korte Suprema, permanenteng pagbawalan ang meralco at iba pang distribution utilities sa bansa na mangolekta ng bill deposit.
Nais din nilang ipabusisi sa commission on audit ang lahat ng bill deposit na kinolekta ng meralco at ibalik ito sa mga consumer kasama na ang naging interes nito.
Hindi pa natatanggap ng meralco ang kopya ng petisyon pero naninidigan itong sang ayon sa magna carta for electricity consumers ang pangongolekta nila ng bill deposit
“It is under the law the magna carta, that’s why we apply what is stipulated under the law” ani Meralco Spokesperson Joe Zaldarriaga.
Kusa rin umano itong ibinabalik sa mga consumer na maagap magbayad ng kanilang bill.
“There are also many cases wherein this is returned to a customer who is paying on or before the due date for 3 consecutive years consistently so we recognize this really as a money of consumers” ani Meralco Spokesperson Joe Zaldarriaga
(Mai Bermudez | Untv News)
Tags: Bayan Muna Party-list Rep. Neri Colmenares, bill, Meralco, Supreme Court
Iba’t-iba ang desisyon ng mga miyembro ng Liberal Party ukol sa kanilang sasamahang grupo sa mababang kapulungan ng Kongreso.
Ayon kay House Speaker Feliciano Belmonte Jr., pinagiisipan niya ang pagbibigay suporta at pakikipag-koalisyon sa kanyang orihinal na partido, ang PDP-Laban.
Sa ngayon aniya wala pa silang pormal na kasunduan ng PDP-Laban dahil may ilang mga isyu pa siyang isinasaalang alang bago tuluyang sumama sa super majority.
Sinabi pa ni Belmonte na mayroon paring 15 miyembro ng lp na nagpahiwatig na hindi sasama sa PDP-Laban.
Ang mga ito aniya ay pansamantalang magli-leave sa LP at bubuo ng sariling minority group sa susunod na Kongreso.
Patuloy na dumadami ang mga kongresista at political party na sumama na sa PDP-Laban.
Kabilang sa nga ito ay ang National Unity Party, Nationalista Party, Nationalist People’s Coalition, Lakas, Makabayan bloc.
(Grace Casin / UNTV Correspondent)
Tags: House Speaker Feliciano Belmonte JR, kasama ng ibang LP member, PDP Laban
Hinimok ni House Speaker Feliciano Belmonte Jr. ang Duterte Administration na hindi lamang ang pagsugpo sa kriminalidad at ang illegal na droga ang pagtuunan ng pansin.
(more…)
