Naniniwala si Ang – Edukasyon Partylist representative Salvador Belaro na kayang magawaan ng paraan na malaanan ng pondo ang libreng college education matapos itong maipasa bilang batas.
Base aniya sa pag-aanalisa ng kanyang partylist, may 16-billion pesos sa budget na maaaring ma-realign mula sa ibang bugdet items.
Kung kulangin ito, maaari naman aniyang mag-isyu ang pamahalaan ng education bonds bilang source ng kakailanganing pondo.
Tags: budget, Education bonds, libreng edukasyon
Simula ngayong School Year 2018-2019, libre na ang tuition at miscellaneous fees sa mga state and local universities and colleges at maging sa registered Technical Vocational Education and Training (TVET) para sa lahat ng Pilipinong mag-aaral sa buong bansa.
40 bilyong piso ang pondong inilaan ng pamahalaan para sa unang taon ng implementasyon nito.
Ayon kay Commission on Higher Education Officer in Charge Prospero Devera III, nakasaad sa nilagdaang Implementing Rules and Regulations (IRR) na lahat ng estudyanteng mapatutunayang hirap sa buhay at ang may mga kapansanan ay makatatanggap ng allowance bukod sa libreng tuition.
Mayaman o mahirap ay maaaring mag-avail pero may ilan lamang silang panuntunan para dito.
Sa opt out mechanism ng programa, maaaring kusa nang hindi mag-avail ang mga estudyanteng may pinansiyal na kapasidad magbayad ng matrikula.
Samantala, hindi naman maaaring bigyan ng libreng edukasyon sa kolehiyo ang mayrooon ng bachelor’s degree.
Ang mga nakatugon sa mga requirement na hinihingi ng kanilang paaralan at ang mga hindi natapos o naipasa ang unang kursong kinuha sa ilalim ng programa.
Sa lahat ng may katanungan maaring mag-email sa unifastra10931@gmail.com o tumawag sa 8888 o magtext sa 09994445996.
( Reynante Ponte / UNTV Correspondent )
Tags: IRR, kolehiyo, libreng edukasyon
Pinabulaanan ng Department of Budget and Management na walang ibinigay na pondo sa mga mambabatas na kasapi ng oposisyon.
Gayunman, inamin ni DBM Secretary Benjamin Diokno na ibinaba o binawasan ang budget sa proposed projects ng mga ito.
Ang isa aniya sa mga pinagbasehan dito ay ang ginagawang assessment sa mga proyektong inirerekomenda sa kanila ng mga local officials at mga mambabatas. Pinag-aralan anilang mabuti kung ito ba ay karapat-dapat na mapondohan.
Tiniyak rin ng kalihim na hindi nila gagamitin ang alokasyon ng pondo bilang political tool ng administrasyon upang maisulong ang mga priority bills nito.
Walang detalyeng inilabas ang DBM kung anu anong mga proyekto ng mga opposition lawmakers ang nabawasan ng budget.
( Leslie Longboen / UNTV Correspondent )
Tags: budget, DBM, opposition lawmakers
