Egyptair plane na may lulan na 81 pasahero, hinijack

by Radyo La Verdad | March 30, 2016 (Wednesday) | 1662

Isang Egyptair Plane ang pwersahang pinalapag ng isang hijacker sa Larnaca Airport sa Cyprus.

Mula Alexandria at patugong Cairo ang flight ms181 na may sakay na walumput isang pasahero.

Karamihan sa mga sakay nito ay pinalaya na ng hijacker maliban sa apat na foreign passenger at crew ng eroplano.

Ayon sa Egyptian State Media kinilala ang hijacker na isang Egyptian national.

Ayon sa Cyprus State Media humihingi ng asylum sa bansa ang suspek.

Una ng napaulat na may suot na explosive belt ang lalakeng hijacker ngunit hindi pa ito kinukumpirma ng mga otoridad.

Sa ngayon ay patuloy ang pakikipag negosasyon ng mga otoridad sa naturang hijacker.

(UNTV NEWS)