Inaresto ng Philippine National Police Anti Cybercrime Group ang isang estudyante dahil sa pangingikil gamit ang pangalan ng aktres na si Maricel Laxa Pangilinan sa facebook.

Nanghihingi anila ng pera ang suspek na kinilalang si Myca Aranda sa mga kaibigan ng aktres at sinasabing gagamitin ito sa outreach program.

Ayon kay ACG Director Police Senior Superintendent Guillermo Eleazar, nahuli ang biktima habang wini-withdraw ang halagang thirteen thousand pesos sa smart padala mula sa kaibigan ng aktres.

Apat na taon na umanong ginagamit ni Aranda ang profile ng aktres para sa kanyang mga modus.

Inamin naman ng suspek ang paratang at sinabing ginagamit nyang pang tuition ang mga nakukuhang pera sa mga biktima.

(UNTV RADIO)

Tags: ACG Director Police Senior Superintendent Guillermo Eleazar, identity theft, Maricel Laxa Pangilinan