Photo credit: digitaltrends.com

Inilabas ng Facebook sa kanilang mobile app ang feature na “Marketplace” na magbibigay ng platform sa mga FB users na nais mag-buy and sell gamit ang social media app.

Ayon kay Facebook Director of Product Management Mary Ku, matagal nang ginagamit ng mga FB user ang social media app para magbenta o bumili ng mga produkto at sa tulong ng Marketplace ay mas mapapadali na ang proseso ng buy and sell.

Idinagdag ang Marketplace sa app bilang isang shop icon at kapag tinap ito ng user ay makikita nito ang litrato ng mga ibinebentang items.

Maaari ring i-filter ng user ang makikita niyang mga produkto base sa location, category at presyo.

Available ang Marketplace feature sa mga FB user sa US, UK, Australia at New Zealand lamang nguni’t plano itong i-expand sa ibang mga rehiyon at idadagdag rin sa desktop version ng Facebook.

Tags: Facebook feature na "Marketplace", mga user upang mag-"buy and sell", social media app